मुंबई : आरोग्यमंत्री तानाजी सावंत यांनी उस्मानाबाद येथील हिंदुत्वगर्जना कार्यक्रमात मराठा आरक्षणाबाबत वादग्रस्त वक्तव्य केलं होतं. एवढंच नाही तर त्यांनी माजी मुख्यमंत्री तसेच शिवसेना पक्षप्रमुख उद्धव ठाकरे यांच्यावर जोरदार टीका केली होती. यावरुन शिवसेना नेत्या किशोरी पेडणेकर यांनी संताप व्यक्त केला आहे.
किशोरी पेडणेकर यांची प्रतिक्रिया :
मीही मराठा समाजातून येते. नालायक आणि चुकीचं वर्तन करणाऱ्या मंत्र्यांना त्यांनी जी भाषा वापरली त्याच भाषेत मराठा समाज उत्तर देईल, असं किशोरी पेडणेकर म्हणाल्या. आधी तुम्ही एवढं बोलत होता, आता तुम्ही सत्तेत आहात, तर मग तुम्ही द्या मराठा समाजाला आरक्षण, असंही त्या यावेळी म्हणाल्या.
काय म्हणाले तानाजी सावंत :
यांना आरक्षण पाहिजे, आता म्हणतात ओबीसी मधून पाहिजे, उद्या म्हणतील एस सी मधून पाहिजे याचा सगळा करता करविता कोण हे सगळ्यांना चांगल माहीत आहे, असं तानाजी सावंत म्हणाले. ज्या समितीला मराठ्यांना आरक्षण नको आहे अशी समिती त्या सरकारने स्थापन केली होती. त्यामुळे आरक्षण मिळाले नाही. आरक्षणासंदर्भात टिकाऊ आरक्षणाची मागणी असल्याचं देखील सावंत म्हणाले.
दरम्यान, तानाजी सावंतांनी माफी मागितली असून त्यांनी केलेल्या वक्तव्याने सर्वांच लक्ष वेधून घेतलं आहे. दरम्यान, 2024 पर्यंत आरक्षण नाही मिळालं तर हा तानाजी सावंत आपल्या पदाचा राजीनामा देऊन मराठा समाजाबरोबर मोर्चात तुमच्याबरोबर शामिल होईल, असं आश्वासन तानाजी सावंत यांनी दिलं आहे.
महत्वाच्या बातम्या :
- Bikes Comparison | ‘या’ दोन हिरो बाइक्स इतक्या कमी किमतीत आहेत उपलब्ध, कोणती सर्वोत्तम असेल जाणून घ्या!
- Supriya Sule | … म्हणून सुप्रिया सुळेंच्या चालू कार्यक्रमात दोन गट एकमेकांना भिडले
- Medical Device Park | मेडिकल डिव्हाईस पार्क जात असताना संदिपान भुमरे काय करत होते?
- Medical Device Park | आणखी एक प्रकल्प महाराष्ट्राबाहेर! फडणवीस म्हणतात पुरावा दाखवा, शिंदे सरकारचं चाललंय काय?
- iPhone 13 Pro Discount | iPhone 13 Pro Max वर बंपर डिस्काउंट
