मुंबई: आज अभिनेत्री कंगणा रणौतच्या मुंबईतील कार्यालयावर मुंबई महापालिकेने हातोडा लावला आहे. अनधिकृत बांधकाम हटवण्यासाठी आजची कारवाई झाली आहे. तिच्या ऑफिसवर हातोडा पडल्याने कंगनाने पुन्हा मुंबईची तुलना पाकिस्तानशी केली आहे. त्यासंदर्भात तिने ट्विट केलं आहे. आता आणखी एका नवीन वादाला तोंड फुटण्याची शक्यता आहे. महापालिका कर्मचाऱ्यांनी तिच्या कार्यालयाचे तोडतानाचे फोटो शेयर करत तिने म्हटलंय, Pakistan #deathofdemocracy
I am never wrong and my enemies prove again and again this is why my Mumbai is POK now #deathofdemocracy ???? pic.twitter.com/bWHyEtz7Qy
— Kangana Ranaut (@KanganaTeam) September 9, 2020
Pakistan…. #deathofdemocracy pic.twitter.com/4m2TyTcg95
— Kangana Ranaut (@KanganaTeam) September 9, 2020
आज अभिनेत्री कंगना रणौतच्या मुंबईतील कार्यालयावर मुंबई महापालिकेकडून तोडक कारवाईची सुरुवात झाली आहे. कंगना आता मुंबई पालिकेच्या रडारवर आहे. कंगनाच्या मुंबईतील वांद्रे याठिकाणी असणाऱ्या कार्यालयामधील तळमजल्यावर पालिकेच्या तोडकामास सुरुवात झाली आहे. पालिकेची टीम कंगनाच्या मुंबईतील कार्यालयाबाहेर दाखल झाली आहे.
याठिकाणी असलेल्या कार्यालयामध्ये बेकायदेशीर बदल झाल्याचा आरोप पालिकेकडून करण्यात आला होता. बेकायदेशील बदलांसाठी पालिकेने मंगळवारी नोटीस देखील बजावली होती. नोटीशीला 24 तास उलटल्यावनंतर पालिकेकडून तोडक कारवाई होत आहे. म्हणजेच याठिकाणी जे कोणते अनधिकृत बांधकाम आहे, त्याच्यावर पालिकेचा हातोडा पडत आहे.
सुशांत सिंह राजपूत प्रकरणी अभिनेत्री कंगना रणौतने मुंबई पोलिसांसह शिवसेना नेते संजय राऊत आणि शिवसेनेवर टीकेची झोड उठवली होती. यानंतर, राजकीय वातावरण चांगलेच तापलेल पाहायला मिळालं. काहींनी कंगनाचे समर्थन केले तर काहींनी पोस्टरला जोडे मारून निषेध व्यक्त केला होता.कंगना आज म्हणजेच ९ सप्टेंबरला मुंबईमध्ये दाखल होत असून गृहमंत्रालयाने तिला ‘वाय+’ सुरक्षा देखील देऊ केली आहे. दरम्यान, मुंबई महापालिकेने कंगनाच्या मणिकर्णिका फिल्म्स या मुंबईतील कार्यालयाबाहेर नोटीस लावली आहे.
कंगनाने त्याठिकाणचे काम त्वरित बंद करावे अशी नोटीस याठिकाणी लावण्यात आली आहे. परिसरात बेकायदेशीर बांधकाम झाल्याचा आरोप मुंबई महापालिकेने केला आहे. अभिनेत्री कंगना राणावतवर विधानपरिषदेत हक्कभंग प्रस्ताव आणला गेला. यासंदर्भात काँग्रेसचे आमदार भाई जगताप यांनी कंगनाविरोधात हक्कभंग मांडला. कंगना ड्रग्स घेत असल्याचे अभिनेता शेखर सुमन यांचा मुलगा अध्ययन सुमन याने एका मुलाखतीत सांगितले होते . त्यामुळे कंगना ड्रग्ज घेत असल्याचा आरोप होत आहे. याबाबत शिवसेना आमदार प्रताप सरनाईक आणि सुनील प्रभू यांनी तक्रार दाखल होती. याची चौकशी मुंबई पोलिसांमार्फत केली जाणार आहे, असे राज्याचे गृहमंत्री अनिल देशमुख म्हणाले.
महत्वाच्या बातम्या:-
कंगणाच्या मुंबईतीला ऑफिसवर महापालिकेचा हातोडा, महानगरपालिकेकडून कारवाई
कंगनाचा ऑफिसवर बीएमसीची कारवाई ; कंगनाकडून बाबर आणि पाकिस्तानशी तुलना
‘हे’ धाडस महाराष्ट्रात होते… आता धुर निघालाच पाहिजे ; नितेश राणेंची आक्रमक भूमिका
