ऐन निवडणुकीच्या तोंडावर भाजपला धक्का; ‘या’ दिवशी कल्याणराव काळे करणार राष्ट्रवादीत प्रवेश

🕒 1 min read

पंढरपूर – पंढरपूरचे राष्ट्रवादी काँग्रेसचे आमदार भारत भालके यांचं २८ नोव्हेंबर रोजी निधन झालं. भारत भालके यांच्या निधनामुळे रिक्त झालेल्या जागेवर पंढरपूर-मंगळवेढा विधानसभा मतदारसंघाची पोटनिवडणूक जाहीर झाली आहे. यासाठी १७ एप्रिलला मतदान होणार असून २ मे रोजी मतमोजणी होणार आहे.

राष्ट्रवादीकडून दिवंगत भारत नाना भालके यांचे चिरंजीव भगीरथ भालके यांना उमेदवारी जाहीर केलेली आहे. तर, भाजपने भगीरथ भालके यांच्या विरोधात समाधान आवताडे मैदानात उतरवलं आहे. भाजप आणि राष्ट्रवादी कॉंग्रेस यांच्यात मुख्य सामना होणार आहे.

दरम्यान,या पोटनिवडणुकीत राष्ट्रवादी काँग्रेस भाजपला मोठा धक्का देण्याच्या तयारीत आहे. कल्याणराव काळे भाजपला रामराम ठोकत राष्ट्रवादी काँग्रेसमध्ये प्रवेश करणार आहेत. 8 एप्रिल म्हणजे गुरुवारी ते राष्ट्रवादी काँग्रेसमध्ये प्रवेश करणार असल्याचं आता नक्की झालंय. उपमुख्यमंत्री अजित पवार यांच्या उपस्थितीत कल्याणराव काळे यांचा राष्ट्रवादीत प्रवेश होणार आहे.

कल्याणराव काळे यांना पंढरपूर आणि माढ्यामध्ये मानणारा वर्ग मोठ्या संख्येने आहे. साखर कारखाना तसेच इतर संस्थांच्या माध्यमातून ते काम करत आहेत. माढा लोकसभा मतदारसंघात येणाऱ्या पंढरपूर भागातील ४३ गावांमध्ये काळे यांचा प्रभाव आहे. पंचक्रोषित काळे यांचा चांगलाच दबदबा असल्याने या निवडणुकीत भाजपच्या अडचणीत वाढ होणार आहे.

महत्त्वाच्या बातम्या

• ‘रेमडेसिवीर’चा काळाबाजार रोखा;कोरोना रुग्णांना कमीत कमी किमतीत उपलब्ध करून द्या – भांडारी
• परभणी बँकेच्या अध्यक्षपदी आमदार वरपुडकर, उपाध्यक्षपदी राजेश पाटील गोरेगावकर
• ‘राजकीय नेते रॅली काढू शकतात मात्र उद्योग आणि कामं आवश्यक नाहीत’
• औरंगाबादेत आयडिया कॉल सेंटरमध्ये उभारणार जम्बो कोविड सेंटर