🕒 1 min read
महाराष्ट्र देशा डेस्क : अभिनेत्री जॅकलिन फर्नांडिस ही मनी लाँड्रिंग प्रकरणामुळे चर्चेत आली आहे. नुकत्याच आलेल्या वृत्तानुसार, ईडी जॅकलिनला मनी लाँड्रिंग प्रकरणात आरोपी बनवण्याच्या तयारीत आहे. याप्रकरणी जॅकलिनचे वकील प्रशांत पाटील यांनी निवेदन जारी करून खुलासा केला आहे कि, ईडीकडून आम्हाला अद्याप कोणतीही अधिकृत माहिती मिळालेली नाही. तर आरोपी बनवल्याची बातमी समोर आल्यानंतर जॅकलिनने सोशल मीडियावर एक पोस्ट शेअर केली आहे. जी सध्या व्हायरल होत आहे.
वकील काय म्हणाले?
जॅकलिनच्या वकिलांने आपल्या स्टेटमेंटमध्ये म्हटले आहे, “सध्या आम्हाला फक्त एवढेच कळले आहे की ईडीने तक्रार दाखल केली आहे. मात्र, ही माहिती केवळ मीडिया रिपोर्ट्सवरूनच मिळाली आहे. अद्याप ईडीकडून अधिकृत नोटीस आलेली नाही. माझ्या क्लायंटला तक्रारीची प्रतही मिळालेली नाही. पण जर मीडियाचे वृत्त खरे असेल तर जॅकलिनला या प्रकरणात जाणूनबुजून आरोपी बनवले जात आहे, हे अत्यंत दुर्दैवी आहे. माझ्या क्लायंटची फसवणूक झाली आहे. कॉनमन सुकेश चंद्रशेखरने त्यांनाही फसवलं आहे. तरीही आरोपपत्रात जॅकलिनचे नाव येणे हे मोठे षडयंत्र आहे.
काय म्हणाली जॅकलिन?
जॅकलिनला आरोपी बनवणार असल्याची शक्यता समोर आल्यानंतर तिने सोशल मीडियावर एक पोस्ट शेअर केली. यात तिने लिहले आहे कि, “प्रिय मी, मी सर्व चांगल्या गोष्टींसाठी पात्र आहे. मी शक्तिशाली आहे आणि स्वतःला स्वीकारले आहे. एक दिवस सर्वकाही ठीक होईल. मी मजबूत आहे. मी माझी ध्येय आणि स्वप्न साध्य करेन, होय मी हे करू शकते.”
जॅकलिनला होऊ शकते अटक
या प्रकरणात ईडीने अद्याप न्यायालयात आरोपपत्र सादर केलेले नाही. त्यामुळे जॅकलिनला सध्या तरी अटक होऊ शकत नाही. पण न्यायालयीन सुनावणीनंतर मात्र अटक होऊ शकते. तसेच सध्या जॅकलिन फर्नांडिसला देशाबाहेर जाण्याची परवानगी देण्यात आली नाहीये.
महत्वाच्या बातम्या:
- Balasaheb Thorat | ‘सागर’ बंगल्यात वॉशिंग मशीनचं काम चालतं…; रश्मी शुक्ला-फडणवीस भेटीनंतर थोरातांची टीका
- Uddhav Thackeray | उद्धव ठाकरे गटाला दिलासा, विधानभवनात कार्यालय; एकनाथ शिंदेंचा गट सातव्या मजल्यावर बसणार
- Jayant Patil : मी एसटी चालवली म्हणून भाजपवाले चिडले, काय कारवाई करायचीय ती करा; जयंत पाटलांचे चॅलेंज
- Vidarbha । विदर्भात पावसाचे थैमान! गडचिरोली जिल्ह्यातील १८ तर भंडारा जिल्ह्यातील ७८ रस्ते वाहतुकीकरिता बंद
- bachchu kadu । आपला मंत्रिमंडळात समावेश होणार, मुख्यमंत्र्यांनी शब्द दिलाय – बच्चू कडू
बातम्यांसाठी YouTube चॅनेल Subscribe करा
Subscribe Now
