आयपीएलमुळे इतर बोर्डाचे नुकसान होत आहे का?; दक्षिण आफ्रिका वादावरून माजी खेळाडूने केला सवाल

मुंबई: आयपीएलचा करार असलेल्या सर्व दक्षिण आफ्रिकन खेळाडूंनी लीगमध्ये सहभागी होण्यासाठी बांगलादेशविरुद्धची आगामी दोन सामन्यांची कसोटी मालिका वगळण्याचा निर्णय घेतल्याने क्लब विरुद्ध देश वाद पुन्हा एकदा उफाळून आला आहे. कागिसो रबाडा, एडन मार्कराम, रॅसी व्हॅन डर डुसेन यासारखे खेळाडू बांगलादेशविरुद्ध चालू असलेल्या एकदिवसीय मालिकेच्या समाप्तीनंतर आयपीएलमध्ये भाग घेण्यासाठी भारतात रवाना होतील, यामुळे पुन्हा मोठा वाद सुरु झाला आहे.

भारताचा माजी सलामीवीर आकाश चोप्राने (akash chopra) दक्षिण आफ्रिकेच्या खेळाडूंचा आणि आयपीएलचा बचाव करताना म्हटले आहे की, आंतरराष्ट्रीय क्रिकेट मार्केट अशा प्रकारे चालते. “हा सगळा प्रकार बघता उद्भवणारा प्रश्न असा आहे की, क्लब देशापेक्षा मोठा आहे का? क्लब विरुद्ध देश वादाने पुन्हा थोडा पेट घेतला आहे. प्रश्न असा आहे की आयपीएल (IPL) इतर बोर्डांचे नुकसान करत आहे का?” त्याने यूट्यूब चॅनलवर अपलोड केलेल्या व्हिडिओमध्ये म्हटले आहे.

चोप्रा पुढे म्हणाला की खेळाडूंना एक बाजू निवडण्यास भाग पाडले जाऊ नये कारण ते आंतरराष्ट्रीय कर्तव्यापेक्षा आधी आयपीएल निवडतील. “खेळाडूंना ही कठीण निवड करायला लावू नका. क्लब विरुद्ध देश संघर्ष सुरूच राहील, त्यावर वेगवेगळी मते असतील पण वस्तुस्थिती अशी आहे की खेळाडू द्विपक्षीय वचनबद्धतेच्या आधी आयपीएल निवडतील आणि बोर्ड ते थांबवू शकणार नाहीत.”

महत्वाच्या बातम्या 

• “…आता फक्त ISIS चा प्रस्ताव येणे बाकी आहे”, नितेश राणेंचा मविआ सरकारला टोला
• ‘द बॅटमॅन’ चित्रपटाचा बॉक्स ऑफिसवर चांगलाच बोलबाला; 500 मिलियन डॉलर्स पेक्षाही…
• ‘रावसाहेब दानवे कोणत्या नशेत बोलले काल?’; संजय राऊतांचा टोला
• Ind vs Pak : आजच्याच दिवशी भारतानं पाकिस्तानला चारली होती धूळ! तुम्हाला आठवतोय का 2014चा सामना?
• “छत्रपती शिवाजी महाराजांचा” एकेरी उल्लेख करणाऱ्या अँकरला चिन्मय मांडलेकरने थांबवले, म्हणाला…