IPL 2022 : विषय गरम..! Net Run Rate म्हणजे काय रे भाऊ आणि तो कसा मोजला जातो? नक्की वाचा!

मुंबई : आयपीएल २०२२ (IPL 2022)चा लीग टप्पा आता संपणार आहे. तरीही प्लेऑफचे चित्र स्पष्ट झालेले नाही. प्लेऑफमध्ये आतापर्यंत फक्त गुजरात टायटन्सचे स्थान निश्चित झाले आहे. राजस्थान रॉयल्स आणि लखनऊ सुपरजायंट्स हे प्लेऑफमध्ये प्रवेश मिळवण्यासाठी आणखी दोन प्रबळ दावेदार आहेत. आयपीएल प्लेऑफमध्ये नेट रन रेट (Net Run Rate) अनेकदा मोठी भूमिका बजावतो. पण नेट रन रेट म्हणजे काय आणि तो कसा मोजला जातो?

Net Run Rate म्हणजे काय रे भाऊ?

साध्या भाषेत जितका मोठा विजय तितका नेट रन रेट चांगला. ते काढण्याचा मार्ग सोपा आहे. यासाठी, संघाच्या फलंदाजीचा रन रेट (किती धावा झाल्या/किती षटके खेळली) त्याच्या गोलंदाजीच्या रन रेटमधून वजा केली जाते (किती धावा दिल्या/किती षटके टाकली). समजा आयपीएलमध्येच एखाद्या संघाने २० षटकांत १८० धावा केल्या आणि गोलंदाजी करताना २० षटकांत केवळ १४० धावा दिल्या, तर त्याचा नेट रन रेट २ असेल.

IPL 2022 : विषय गरम..! Net Run Rate म्हणजे काय रे भाऊ आणि तो कसा मोजला जातो? नक्की वाचा!#IPL2022 #netrunrate #maharashtradeshahttps://t.co/Sv71WaHjdN

— Maharashtra Desha महाराष्ट्र देशा (@MHD_Press) May 17, 2022

वरील उदाहरणात फलंदाजीचा रन रेट ९ असेल कारण संघाने २० षटकात १८० धावा केल्या आहेत. २० षटकात त्यांनी १४० धावा दिल्याने त्यांचा गोलंदाजीचा रन रेट ७ असेल. आता बॅटिंग रन रेटमधून बॉलिंगचा रन रेट वजा केला तर. त्यामुळे नेट रन रेट २ मिळेल.

जर तुम्ही आयपीएल २०२२च्या गुणतालिकेवर नजर टाकली तर गुजरातचे १८ गुण आहेत. लखनऊ सुपरजायंट्स आणि राजस्थान रॉयल्सचे १६-१६ गुण आहेत. रॉयल चॅलेंजर्स बंगळुरूचे १४ गुण आहेत. त्याचवेळी दिल्ली कॅपिटल्स, कोलकाता नाइट रायडर्स आणि पंजाब किंग्ज या तीन संघांचे प्रत्येकी १२ गुण आहेत. बंगळुरूने आपला सामना गमावल्यास १४ गुणांनीही प्लेऑफचा मार्ग खुला होऊ शकतो. असे झाल्यास, उत्तम नेट रन रेट असलेला संघ पुढील फेरीत प्रवेश करेल.

DLS (डकवर्थ लुईस) नियम असेल तर…

पावसामुळे किंवा इतर कोणत्याही कारणामुळे सामन्यात व्यत्यय आल्यास, नेट रन रेट वास्तविक धावसंख्येऐवजी DLS लागू केल्यानंतर निर्धारित केलेल्या धावसंख्येच्या आधारे निर्धारित केला जाईल. उदाहरणार्थ, जर संघ ‘अ’ संघाने २० षटकांत १८० धावा केल्या आणि ‘ब’ संघापुढे पावसामुळे १५ षटकांत १५१ धावांचे लक्ष्य ठेवले, तर नेट रन रेटदेखील १५ षटकांत केलेल्या धावांच्या संख्येवरून निर्धारित केला जाईल.

महत्त्वाच्या बातम्या –

IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com