मुंबई : आयपीएल २०२२ (IPL 2022)च्या ६४व्या सामन्यात दिल्ली कॅपिटल्सने पंजाब किंग्जवर (PBKS vs DC) १७ धावांनी रंगतदार विजय मिळवला. डी. वाय. पाटील स्टेडियमवर रंगलेल्या या सामन्यात पंजाबचा कप्तान मयंक अग्रवालने टॉस जिंकून प्रथम गोलंदाजीचा निर्णय घेतला. अष्टपैलू खेळाडू मिचेल मार्शच्या अर्धशतकी खेळीच्या जोरावर दिल्लीने पंजाबला १६० धावांचे आव्हान दिले. प्रत्युत्तरात पंजाबचा डाव ७ बाद ८७ धावा असा कोसळला असताना जितेश शर्मा आणि राहुल चहर यांनी आक्रमक फटके खेळत दिल्लीला घाम फोडला. पण शार्दुल ठाकूरने अप्रतिम गोलंदाजी केली आणि पंजाबचा विजय लांबवला. शार्दुलने या सामन्यात ४ बळी घेतले. या विजयासह दिल्लीने १४ गुणांसह अंतिम चारमध्ये प्रवेश केला.
पंजाबचा डाव
दिल्लीच्या आव्हानाचा पाठलाग करताना जॉनी बेअरस्टो आणि शिखर धवन यांनी पंजाबसाठी ३८ धावांची झटपट सलामी दिली. दिल्लीचा वेगवान गोलंदाज एनरिक नॉर्कियाने बेअरस्टोला (२८) बाद केले. त्यानंतर शार्दुल ठाकूरने भानुका राजपक्षे (४) आणि शिखर धवन (१९) यांना सहाव्या षटकात तंबूत धा़डले. ३ बाद ५४ धावसंख्येवरून पंजाबची ७ बाद ८२ अशी अवस्था झाली. मयंक अग्रवालला अक्षर पटेलने खातेही खोलू दिले नाही. तर लियाम लिव्हिंगस्टोनला (३) कुलदीप यादवने जास्त काही करू दिले नाही. १५व्या षटकात पंजाबने शतक गाठले. जितेश शर्माने चांगली फलंदाजी करत सामन्यात रंगत निर्माण केली. राहुल चहरने त्याला उत्तम साथ दिली. १८व्या षटकात शार्दुल ठाकूरने जितेशला बाद करत पंजाबचे स्वप्न भंगवले. जितेशने ३ चौकार आणि २ षटकारांसह ४४ धावांची झुंजार खेळी केली. शार्दुलने शेवटच्या षटकातही चांगली गोलंदाजी करत पंजाबला २० षटकात ९ बाद १४२ धावांपर्यंत रोखले. शार्दुलने ४ तर अक्षर पटेल आणि कुलदीप यादव यांनी प्रत्येकी २ बळी घेतले.
Nama-slaying their way into the #TATAIPL ???? 4! ????
How's the mood after that 17-run win, @DelhiCapitals fans? ????#IPL2022 #PBKSvDC #YehHaiNayiDilli #DelhiCapitals pic.twitter.com/swotqiNc2I
— Star Sports (@StarSportsIndia) May 16, 2022
दिल्लीचा डाव
लियाम लिव्हिंगस्टोनने पहिल्याच चेंडूवर सलामीवीर डेव्हि़ड वॉर्नरला झेलबाद करत दिल्लीला लवकर धक्का दिला. त्यानंतर शॉन मार्श आणि सरफराज खानने अर्धशतकी भागीदारी केली. राहुल चहरने सरफराजला बाद करत भागीदारी मोडली. सरफराजने १६ चेंडूत ५ चौकार आणि एका षटकारासह ३२ धावा केल्या. ललित यादवही (२४) संथ खेळून बाद झाला. लिव्हिंगस्टोनने कप्तान ऋषभ पंत (७) आणि रोवमन पॉवेल (२) यांचा अडथळा दूर करत दिल्लीचा बुरुज ढासळवला. १७व्या षटकात मार्शने आपले अर्धशतक पूर्ण केले. १९व्या षटकात तो बाद झाला. त्याने ४ चौकार आणि ३ षटकारांसह ६३ धावा केल्या. शेवटच्या षटकात वेगवान गोलंदाज अर्शदीप सिंगने दिल्लीला जास्त धावा करू दिल्या नाहीत. दिल्लीने २० षटकात ७ बाद १५९ धावा केल्या. पंजाबकडून लिव्हिंगस्टोन आणि अर्शदीपने ३ बळी घेतले.
दोन्ही संघांची Playing 11
पंजाब किंग्ज – जॉनी बेअरस्टो, शिखर धवन, भानुका राजपक्षे, लियाम लिव्हिंगस्टोन, मयंक अग्रवाल (कप्तान), जितेश शर्मा (यष्टीरक्षक), हरप्रीत ब्रार, ऋषी धवन, कगिसो रबाडा, राहुल चहर, अर्शदीप सिंग
दिल्ली कॅपिटल्स – डेव्हिड वॉर्नर, सरफराज खान, मिचेल मार्श, ऋषभ पंत (यष्टीरक्षक/कप्तान), ललित यादव, रोवमन पॉवेल, अक्षर पटेल, शार्दुल ठाकूर, कुलदीप यादव, एनरिक नॉर्किया, खलील अहमद.
महत्त्वाच्या बातम्या –
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
बातम्यांसाठी YouTube चॅनेल Subscribe करा
Subscribe Now
