मुंबई : आयपीएल २०२२ (IPL 2022) मध्ये सामन्यात पंजाब किंग्जने सनरायझर्स हैदराबादला (SRH vs PBKS) ५ गड्यांनी सहज धूळ चारत शेवट गोड केला. वानखेडे स्टेडियमवर रंगेलल्या या साखळी फेरीतील शेवटच्या सामन्यात हैदराबादने पंजाबला १५८ धावांचे आव्हान दिले. केन विल्यमसन घरी परतल्यामुळे भुवनेश्वर कुमारकडे हैदराबाद संघाची धुरा सोपवण्यात आली होती. त्याने टॉस जिंकून प्रथम फलंदाजीचा निर्णय घेतला होता. प्रत्युत्तरात लियाम लिव्हिंगस्टोनच्या वादळी ४९ धावांच्या जोरावर पंजाबने १५.१ षटकातच हा सामना खिशात घातला.
पंजाबचा डाव
जॉनी बेअरस्टो आणि शिखर धवन यांनी पंजाबसाठी सलामी दिली. आक्रमक खेळणाऱ्या बेअरस्टोला फजलहक फारुखीने बाद केले. बेअरस्टोने ५ चौकारांसह २३ धावा केल्या. उमरान मलिकने शाहरुखन खान (१९) आणि वॉशिंग्टन सुंदरने कप्तान मयंक अग्रवाल (१) यांना तंबूचा मार्ग दाखवला. सलामीवीर शिखर धवन संघाच्या शतकानंतर बाद धाला. फारूखीने त्याची दांडी गूल केली. धवनने २ चौकार आणि २ षटकारांसह ३९ धावांची खेळी केली. लियाम लिव्हिंगस्टोनने जितेश शर्माला सोबत घेत विजयी खेळी केली. त्याने २२ चेंडूत २ चौकार आणि ५ षटकारांसह नाबाद ४९ धावा केल्या. जितेशने ३ चौकार आणि एका षटकारासह १९ धावा केल्या. १५.१ षटकात पंजाबने ५ गड्यांच्या मोबदल्यात हा सामना खिशात टाकला.
That's that from Match 70 as @PunjabKingsIPL end their campaign on a winning note. Win by 5 wickets in 15.1 overs.
Scorecard – https://t.co/MmucFYpQoU #SRHvPBKS #TATAIPL pic.twitter.com/ujbQsZaUMz
— IndianPremierLeague (@IPL) May 22, 2022
हैदराबादचा डाव
पंजाबचा वेगवान गोलंदाज कगिसो रबाडाने सलामीवीर प्रियम गर्गला (४) स्वस्तात बाद करत हैदराबादला पहिला धक्का दिला. त्यानंतर अभिषेक शर्मा आणि राहुल त्रिपाठी यांनी अर्धशतकी भागीदारी रचली. हरप्रीत ब्रारने अभिषेकला बाद करत ही भागीदारी मोडली. लियाम लिव्हिंगस्टोनने अभिषेकचा सीमारेषेवर अप्रतिम झेल घेतला. अभिषेकने ५ चौकार आणि २ षटकारांसह ४३ धावा केल्या. ब्रारने त्रिपाठी (२०) आणि एडन मार्कराम (२१) यांना बाद करत हैदराबादला संकटात टाकले. वॉशिंग्टन सुंदर आणि रोमारियो शेफर्ड यांनी फटकेबाजी करत हैदराबादला दीडशेपार पोहोचवले. शेवटच्या षटकात सुंदर बाद झाला. त्याने ३ चौकार आणि एका षटकारासह २५ धावा केल्या. शेफर्ड २ चौकार आणि २ षटकारांसह २६ धावांवर नाबाद राहिला. २० षटकात हैदराबादने ८ बाद १५७ धावा केल्या. पंजाबकडून ब्रार आणि नॅथन एलिस यांनी प्रत्येकी ३ बळी घेतले.
दोन्ही संघांची Playing 11
सनरायझर्स हैदराबाद – अभिषेक शर्मा, प्रियम गर्ग, राहुल त्रिपाठी, एडन मार्कराम, निकोलस पूरन (यष्टीरक्षक), रोमारियो शेफर्ड, वॉशिंग्टन सुंदर, जगदीश सुचित, भुवनेश्वर कुमार (कप्तान), फजलहक फारुकी, उमरान मलिक.
पंजाब किंग्ज – जॉनी बेअरस्टो, शिखर धवन, लियाम लिव्हिंगस्टोन, मयंक अग्रवाल (कप्तान), शाहरुख खान, जितेश शर्मा (यष्टीरक्षक), हरप्रीत ब्रार, नॅथन एलिस, प्रेरक मंकड, कगिसो रबाडा, अर्शदीप सिंग.
महत्त्वाच्या बातम्या –
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
बातम्यांसाठी YouTube चॅनेल Subscribe करा
Subscribe Now
