मुंबई: भारतीय संघाचा वेगवान गोलंदाज उमेश यादव पुन्हा एकदा आयपीएलमध्ये त्याच्या माजी फ्रँचायझी कोलकाता नाइट रायडर्सचे प्रतिनिधित्व करताना दिसणार आहे. कोलकाताने उमेशला आयपीएल मेगा ऑक्शन २०२२ मध्ये २ कोटी रुपयांना विकत घेतले. अशा परिस्थितीत आता उमेश यादवने केकेआरचा नवा कर्णधार श्रेयस अय्यरबद्दल बरेच काही सांगितले आहे. यावेळी श्रेयस केकेआरला आयपीएलचे जेतेपद मिळवून देईल, असा विश्वास यादवने दर्शवला आहे.
मेगा ऑक्शनमध्ये कोलकाताने १२.२५ कोटी रुपयांची मोठी रक्कम देऊन अय्यरला (shreyas iyer) खरेदी केले होते. इतकंच नाही तर KKR ने IPL 2022 साठी श्रेयस अय्यरकडे टीमचे कर्णधारपदही सोपवले आहे. यासोबतच संघाचा वेगवान गोलंदाज उमेश यादवनेही त्यांच्यावर विश्वास दाखवत सांगितले. “केकेआरमध्ये परत आल्याने खूप आनंदी आणि उत्साही आहे. आमचा कर्णधार श्रेयस केकेआरला विजेतेपद पटकावण्यास मदत करेल याची मला खात्री आहे. आमच्याकडे मजबूत संघ आहे. २०१४ मध्ये जेव्हा आम्ही आयपीएलचे विजेतेपद जिंकले तेव्हा मी या संघाचा भाग होतो आणि मला परत आल्याने आनंद झाला आहे.”
आज चेन्नई सुपर किंग्ज विरुद्ध कोलकाता पहिला सामना खेळणार आहे. श्रेयसला याआधीही दिल्लीचा कर्णधार म्हणून नेतृत्वाचा अनुभव आहे. तर दुसरीकडे अगदी नवखा कर्णधार म्हणून जडेजा चेन्नईची धुरा सांभाळणार आहे. गेल्या वर्षी मॉर्गनच्या नेतृत्वात उपविजेतेपद मिळवलेला नाईट रायडर्सचा संघ श्रेयसच्या नेतृत्वात तिसऱ्यांदा जेतेपद मिळवेल का याकडे सगळ्यांचे लक्ष लागले आहे.
महत्वाच्या बातम्या
- IPL 2022 : सामना सुरु होण्यापूर्वी चेन्नईने रिलीज केले अँथम ; धोनीचा सुपर अवतार पाहिलात का?
- IPL 2022 : स्पर्धेत यावेळी लागू होणार काही नवीन नियम; वाचा सविस्तर
- CSK vs KKR : कोण जिंकणार IPL 2022चा पहिला सामना? दोघांपैकी ‘हा’ संघ आहे बलाढ्य!
- “कोणावर छापा पडणार हे त्यांना…”, सुप्रिया सुळेंचा हल्लाबोल
- IPL 2022: ६५ धावा पूर्ण करताच धोनी रचणार इतिहास ; रोहित विराटच्या यादीत सामील होणार
