IPL 2022 RCB vs RR : पुण्यात राजस्थानचा ‘रॉयल’ खेळ; बंगळुरूला २९ धावांनी दिली मात!

मुंबई : आयपीएलच्या २०२२ (IPL 2022) मध्ये राजस्थान रॉयल्सने दमदार गोलंदाजीच्या जोरावर रॉयल चॅलेंजर्स बंगळुरू (RCB vs RR) संघाला २९ धावांनी मात दिली. पुण्याच्या महाराष्ट्र क्रिकेट स्टेडियमवर रंगलेल्या या सामन्यात बंगळुरू कप्तान फाफ डु प्लेसिसने टॉस जिंकून प्रथम गोलंदाजीचा निर्णय घेतला. जोस बटलरसह प्रमुख फलंदाज अपयशी ठरल्यानंतर रियान परागने झुंजार अर्धशतक ठोकले आणि राजस्थानने बंगळुरुला १४५ धावांचे आव्हान दिले. शेवटच्या दोन षटकात रियानने ३० धावा काढत संघाला सन्मानजनक धावसंख्येकडे नेले. प्रत्युत्तरात बंगळुरुचा संघ राजस्थानच्या गोलंदाजीपुढे झुकला आणि ११५ धावांवर ऑलआऊट झाला. या विजयासह राजस्थान अव्वल स्थानी विराजमान झाला आहे.

बंगळुरूचा डाव

राजस्थानच्या आव्हानाचा पाठलाग करताना खराब फॉर्मशी झगडणारा विराट कोहली आज फाफ डु प्लेसिससोबत सलामीला उतरला, पण अवघ्या ९ धावांची भर घालून तो प्रसिध कृष्णाच्या गोलंदाजीवर बाद झाला. वेगवान गोलंदाज कुलदीप सेनने डु प्लेसिसला (२३) आणि त्यानंतर ग्लेन मॅक्सवेलला शून्यावर बाद करत बंगळुरूला अजून संकटात टाकले. फिनीशर दिनेश कार्तिकही (८) धावबाद झाला. शाहबाझ अहमदही (१७) मोठी खेळी करण्यात अपयशी ठरला. शतकापूर्वी बंगळुरूने सात फलंदाजांना गमावले आणि सामनाही. १९.३ षटकात बंगळुरुचा संघ ११५ धावांवर ऑलआऊट झाला. राजस्थानकडून कुलदीप सेनने २० धावांत ४ बळी घेतले. अश्विनला ३ आणि प्रसिः कृष्णाला २ बळी मिळाले.

Toss lost?

Not a problem for Sanju Samson and his side – RR get their sixth win of the season in just eight games ????#IPL2022 #RCBvRR

— ESPNcricinfo (@ESPNcricinfo) April 26, 2022

राजस्थानचा डाव

स्पर्धेत भन्नाट फॉर्मात असलेल्या जोस बटलरला आज बंगळुरुविरुद्ध चांगली सुरुवात करता आली नाही. वेगवान गोलंदाज जोश हेझलवूडने बटलरला (८) सिराजकरवी झेलबाद केले. दुसरा सलामीवीर देवदत्त पडिक्कलला (७) सिराजने पायचीत पकडले. त्यानंतर संजू सॅमसनने एक चौकार आणि ३ षटकारांसह २७ धावा केल्या, पण इतर फलंदाज ठराविक अंतराने बाद होत राहिले. राजस्थानच्या रियान परागने एका बाजुने झुंज दिली. रियानने २०व्या षटकात रियानने हर्षल पटेलला षटकार ठोकत आपले अर्धशतक पूर्ण केले. रियानने ३१ चेंडूत ३ चौकार आणि ४ षटकारांसह नाबाद ५६ धावांची खेळी केली. राजस्थानने २० षटकात ८ बाद १४४ धावा केल्या. बंगळुरूकडून सिराज, हेझलवूड आणि हसरंगाने प्रत्येकी २ बळी घेतले.

दोन्ही संघांची playing 11

रॉयल चॅलेंजर्स बंगळुरू – फाफ डु प्लेसिस (कप्तान), विराट कोहली, ग्लेन मॅक्सवेल, सुयश प्रभुदेसाई, रजत पाटीदार, शाहबाज अहमद, दिनेश कार्तिक (यष्टीरक्षक), हर्षल पटेल, वानिंदू हसरंगा, जोश हेझलवूड, मोहम्मद सिराज.

राजस्थान रॉयल्स – जोस बटलर, देवदत्त पडिक्कल, संजू सॅमसन (यष्टीरक्षक/कप्तान), शिमरॉन हेटमायर, रियान पराग, डॅरिल मिशेल, रवीचंद्रन अश्विन, ट्रेंट बोल्ट, कुलदीप सेन, प्रसीद कृष्णा, युझवेंद्र चहल.

महत्त्वाच्या बातम्या –

IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com