मुंबई: आयपीएलच्या १६ व्या सामन्यात आज हार्दिकच्या गुजरात टायटन्सचा सामना मयंक अग्रवालचा (mayank agrawal) पंजाब किंग्ज (GT vs PBKS) यांच्यात सामना खेळला गेला. गुजरातने प्रथम नाणेफेक जिंकत प्रथम गोलंदाजीचा निर्णय घेतला. प्रथम फलंदाजीला उतरलेल्या पंजाब संघाने १८९ धावा केल्या. पंजाबच्या १९० धावांचा पाठलाग करताना झालेल्या या रोमहर्षक सामन्यात गुजरातच्या तेवतीयाने शेवटच्या दोन चेंडूत दोन षटकार लगावत संघाला विजय मिळवून दिला आहे.
प्रथम फलंदाजीला उतरलेल्या पंजाबची सुरुवात चांगली झाली. मात्र ५व्या ओव्हरमध्ये जॉनी बेअरस्टोची विकेट पडताच पंजाबची खेळी डळमळतांना दिसली. सलामीला उतरलेला शिखरही बाद झाल्यानंतर या हंगामात पंजाबसाठी स्टार परफॉर्मर राहिलेल्या लियाम लिविंगस्टोनने (Liam livingstone) पंजाबला तारले. लियामने पंजाबसाठी २७ चेंडूत धमाकेदार ६४ धावांची खेळी केली. ज्यात ७ चौकार ४ षटकारांचा समावेश होता.ज्यामुळे पंजाब संघ १८९ पर्यंत पोहचू शकला.
गोलंदाजीत अप्रतिम कामगिरी केल्यानंतर गुजरातच्या फलंदाजांनीही आपली कमाल दाखवली. सलामीला उतरलेल्या शुबमन गिलने(shubman gill) संघाला मजबूत सुरुवात करून दिली. मात्र शतकापासून ४ धावा दूर असताना त्याला माघारी परतावे लागले. गिलने ५९ चेंडूत ९६ धावा केल्या. गिलच्या जोडीला कर्णधार हार्दिकनेही दमदार २७ धावांची खेळी केली. गिल नंतर हार्दिकही (hardik pandya) बाद झाल्यावर सामना फसणार दिसत असताना पुन्हा एकदा राहुल तेवतीयाने (rahul tewtia) फिनिशरची भूमिका बजावली. अखेरच्या दोन चेंडूत १२ धावा बाकी असताना त्याने ओडियन स्मिथच्या दोन्ही चेंडूत षटकार लगावत गुजरातला स्पर्धेतील ४था विजय मिळवून दिला.
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
महत्वाच्या बातम्या
- IPL 2022: लिविंगस्टोनची दमदार बॅटिंग आणि राशीद खानची फिरकी; गुजरात पुढे १९० धावांचे लक्ष्य!
- OBC राजकीय आरक्षण कायद्याला मराठा नेत्याचा विरोध; सर्वोच्च न्यायालयात दाखल केली याचिका
- “टोकाची भूमिका घेण्याची परिस्थितीच आत्महत्त्यांना जबाबदार”- शरद पवार
- ‘भारताचा पुढचा पंतप्रधान शीख किंवा मराठा बनणार’; गुप्तचर संस्था राॅच्या माजी प्रमुखांचे विधान
- “भाजपच नाव घेतल्याशिवाय राष्ट्रवादीचं राजकरण पूर्ण होत नाही का?”- चित्रा वाघ
बातम्यांसाठी YouTube चॅनेल Subscribe करा
Subscribe Now
