🕒 1 min read
मुंबई : आयपीएल २०२२ (IPL 2022 ) मध्ये आज दिल्ली कॅपिटल्स आणि कोलकाता नाइट रायडर्स (DC vs KKR) यांच्यात लीगचा ४१वा सामना खेळवला जात आहे. वानखेडेवर रंगणाऱ्या या सामन्यात दिल्लीचा कप्तान ऋषभ पंतने नाणेफेक जिंकून प्रथम गोलंदाजीचा निर्णय घेतला. कुलदीप यादवच्या ४ बळींमुळे कोलकाताला २० षटकात १४६ धावांपर्यंतच पोहोचता आले. दिल्लीचा संघ सातपैकी तीन सामने जिंकून गुणतालिकेत सातव्या स्थानावर आहे. दुसरीकडे, कोलकाताचा संघ आठपैकी चार सामने जिंकून आठव्या स्थानावर आहे. प्लेऑफच्या शर्यतीत राहण्याच्या दृष्टीने दोन्ही संघांसाठी हा सामना अत्यंत महत्त्वाचा आहे.
कोलकाताचा डाव
आरोन फिंच आणि व्यंकटेश अय्यर यांना कोलकाताला चांगली सुरुवात करून देता आली नाही. वेगवान गोलंदाज चेतन साकारियाने फिंचची (३) दांडी उडवली, तर अक्षर पटेलने व्यंकटेशला (६) बाद केले. त्यानंतर कप्तान श्रेयस अय्यरने संयमी फलंदाजी केली. एका बाजूने फलंदाज ढेपाळत असताना श्रेयसने ४ चौकारांसह ४२ धावा केल्या. दिल्लीचा फिरकीपटू कुलदीप यादवने श्रेयससह आंद्रे रसेललाही गुंडाळले रसेल शून्यावर बाद झाला, कोलकाताने ८२ धावांत ६ फलंदाजांना गमावले. त्यानंतर रिंकू सिंहसह नितीश राणाने किल्ला लढवला. राणाने अर्धशतक ठोकत बहुमूल्य धावा जोडल्या. त्याने ३ चौकार आणि ४ षटकारांसह ५७ धावा जोडल्या. रिंकूने ३ चौकारांसह २३ धावा केल्या. २०व्या षटकात मुस्तफिजूरने कोलकाताच्या ३ विकेट्स घेतला आणि फक्त २ धावा दिल्या. २० षटकात कोलकाताने ९ बाद १४६ धावा केल्या. दिल्लीकडून कुलदीपने ३ षटकार १४ धावा देत ४ बळी टिपले. मुस्तफिजूरने ३ बळी घेतले.
A fighting total on the board! #KKRHaiTaiyaar #DCvKKR #IPL2022 pic.twitter.com/dG8Nd6qJtC
— KolkataKnightRiders (@KKRiders) April 28, 2022
दिल्लीच्या संघात आज दोन बदल झाले आहेत. खलील अहमद आणि सरफराज खान संघाबाहेर असून मिचेल मार्श आणि चेतन साकारिया यांना संधी मिळाली आहे. चेतन दिल्लीकडून पहिला सामना खेळत आहे. कोलकातानेही संघात तीन बदल केले आहेत. आरोन फिंच, हर्षित राणा आणि बाबा इंद्रजित यांना संधी मिळाली आहे.
दोन्ही संघांची playing 11
दिल्ली कॅपिटल्स – पृथ्वी शॉ, डेव्हिड वॉर्नर, ऋषभ पंत (यष्टीरक्षक/कप्तान), मिचेल मार्श, ललित यादव, अक्षर पटेल, शार्दुल ठाकूर, रोवमन पॉवेल, कुलदीप यादव, मुस्तफिजुर रहमान, चेतन साकारिया.
कोलकाता नाइट रायडर्स – आरोन फिंच, सुनील नरेन, श्रेयस अय्यर (कप्तान), नितीश राणा, व्यंकटेश अय्यर, बाबा इंद्रजित (यष्टीरक्षक), रिंकू सिंग, आंद्रे रसेल, उमेश यादव, टीम साऊदी, हर्षित राणा.
महत्त्वाच्या बातम्या –
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
बातम्यांसाठी YouTube चॅनेल Subscribe करा
Subscribe Now
