🕒 1 min read
मुंबई: आयपीएलचा ७ वा सामना लखनऊ सुपर जायंट्स आणि चेन्नई सुपर किंग्स यांच्यात खेळवला जात आहे. लखनऊ सुपर जायंट्सने नाणेफेक जिंकत प्रथम गोलंदाजी करण्याचा निर्णय घेतला आहे. पण त्यांचा हा निर्णय उलटा फिरलेला दिसतोय. कारण CSKच्या फलंदाजांनी या सामन्यात धुव्वादार फलंदाजी करत २१० धावा फलकावर लावल्या आहेत.
या सामन्यात चेन्नई सुपर किंग्ज (CSK) या नवीन सलामी जोडीसह उतरला.मात्र सलामीवीर ऋतुराज गायकवाड (Ruturaj gaikwad) अवघी १ धाव काढून दुर्दैवाने धावबाद झाला. पण त्यानंतर रॉबिन उथप्पा (५०) आणि मोईन अली (३५) यांनी लखनऊच्या गोलंदाजांची दमछाक उडवून दिली. दोन्ही फलंदाजांमध्ये दुसऱ्या विकेटसाठी अवघ्या ३० चेंडूत ५६ धावांची भागीदारी झाली.
रॉबिन आणि मोईन बाद झाल्यानंतरही सीएसकेचा धमाका थांबला नाही. कारण शिवम दुबे (४९) आणि अंबाती रायडू (२७) यांनी मैदानाच्या प्रत्येक कोपऱ्यात सुपर जायंट्सच्या गोलंदाजांना फटकेबाजी करण्यास सुरुवात केली. शेवटी रवींद्र जडेजा (१७) आणि चेन्नईचा ‘थाला’ महेंद्रसिंग धोनी यांनीही स्फोटक फलंदाजी केली. धोनीने येताच चेंडू बाऊंड्री बाहेर पोहचवला. या उत्कृष्ट फलंदाजीमुळे सीएसकेची धावसंख्या ७ गडी गमावून २१० धावांवर पोहोचली आहे. लखनऊ आता या धावांचे डोंगर पार करत पहिला विजय नोंदवण्यासाठी उतरेल.
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
महत्वाच्या बातम्या
- IPL 2022 : देखो वो आ गया..! राजस्थानविरुद्धच्या सामन्यापूर्वी मुंबई इंडियन्सला मिळाली आनंदाची बातमी
- IPL 2022: CSKला टक्कर देण्यास LSG तय्यार..! नाणेफेक जिंकत राहुलचा क्षेत्ररक्षणाचा निर्णय; ‘असे’ आहेत दोन्ही संघ!
- सण साजरे करत असताना कोणतेही निर्बंध लागू नाहित – जितेंद्र आव्हाड
- चेहऱ्यावर रक्ताचे डाग! सनी लिओनीचा लूक पाहून नेटकऱ्यांना बसला धक्का
- मंत्री एकनाथ शिंदे यांनी केला मेट्रोचा दौरा
बातम्यांसाठी YouTube चॅनेल Subscribe करा
Subscribe Now
