India vs Pakistan | भारताने टॉस जिंकला! जाणून घ्या, भारताची प्लेइंग इलेव्हन!

India vs Pakistan | नवी दिल्ली : भारत आणि पाकिस्तान यांच्यातील आशिया कप-2022 चा ‘हाय-व्होल्टेज’ सामना दुबईमध्ये खेळवला जाणार आहे. भारतीय संघाचा कर्णधार रोहित शर्मा याने नाणेफेक जिंकून पाकिस्तानला प्रथम फलंदाजीसाठी आमंत्रित केले. या सामन्यात ऋषभ पंत प्लेइंग इलेव्हनमध्ये नाही. अनुभवी दिनेश कार्तिक यष्टिरक्षकाची जबाबदारी सांभाळेल. बाबर आझम यांच्याकडे पाकिस्तानची कमान आहे.

विराट कोहली शतक झळकावणार-

विराट कोहली आज उतरताच आशिया चषक 2022 मध्ये पाकिस्तानविरुद्ध शतक झळकावणार आहे. हे शतक T20 मध्ये 100 आंतरराष्ट्रीय सामने खेळण्याचे असेल. यासह कोहली तिन्ही फॉरमॅटमध्ये 100 सामने खेळणारा पहिला भारतीय क्रिकेटपटू ठरणार आहे. कोहली एका महिन्याच्या विश्रांतीनंतर या सामन्याद्वारे मैदानात परतणार आहे. अशा परिस्थितीत त्याला हे पुनरागमन संस्मरणीय बनवायचे आहे. केवळ चाहतेच नाही तर टीम इंडियातील त्याच्या सहकारी खेळाडूंनाही विराटकडून मोठ्या खेळीची अपेक्षा आहे. त्यामुळेच हे खास शतक पूर्ण होण्यापूर्वीच सर्वांनी विराटचे अभिनंदन केले.

भारतीय कर्णधार रोहित शर्माने विराट कोहलीच्या 100 टी-20 सामन्यांबद्दल सांगितले की, कोहलीच्या क्रिकेटच्या आवडीची तुलना कोणाशीही होऊ शकत नाही. प्रत्येक वेळी जेव्हा तुम्ही त्याला पाहता तेव्हा तो एक वेगळी ऊर्जा घेऊन येतो. भारतासाठी सर्व फॉरमॅटमध्ये 100 सामने खेळणे सोपे नाही. मला त्यांचे अभिनंदन करायचे आहे. प्रत्येक वेळी जेव्हा आपण त्याला पाहतो तेव्हा त्याचा खेळ वेगळ्या पातळीवर असतो. आशिया चषकात कोहली आपली सर्वोत्तम कामगिरी करेल, अशी आशा रोहितने व्यक्त केली आहे.

भारताची प्लेइंग इलेव्हन-

रोहित शर्मा (कर्णधार), केएल राहुल, विराट कोहली, सूर्यकुमार यादव, दिनेश कार्तिक (विकेटकीपर), हार्दिक पंड्या, युझवेंद्र चहल, रवींद्र जडेजा, भुवनेश्वर कुमार, आवेश खान, अर्शदीप सिंग

पाकिस्तानची प्लेइंग इलेव्हन-

बाबर आझम (कर्णधार), मोहम्मद रिझवान (विकेटकीपर), फखर जमान, इफ्तिखार अहमद, खुशदिल शाह, आसिफ अली, शादाब खान, मोहम्मद नवाज, नसीम शाह, हरिस रौफ, शहनाबाज दहनी.

महत्वाच्या बातम्या :

• India vs Pakistan | पाकिस्तानविरुद्ध विराट कोहली शतक ठोकणार? टीम इंडियाने आधीच केले अभिनंदन, जाणून घ्या…
• आदित्य ठाकरे महाराष्ट्राचे जगनमोहन रेड्डी ?
• Aditya Thackeray | गावकऱ्यांचे जीवन सुखी करण्यासाठी एकत्र येऊन काम करणे गरजेचे – आदित्य ठाकरे
• Sushma Andhare |”याचं दार, त्याचं दार, बाई माझ्या तोंडात मार…”, नवनीत राणा यांच्यावर सुषमा अंधारे बरसल्या
• Alia Bhatt | बाॅयकाॅट ब्रह्मास्त्र दरम्यान आलिया भट्ट हिला दिलासा, ‘हा’ हॅशटॅग ट्रेंडींग