IND vs WI : पहिल्या सामन्यात शिखर धवनसोबत ‘या’ खेळाडूने द्यावी सलामी; वसीम जाफरचा सल्ला!

🕒 1 min read

मुंबई : भारताचा नियमित कर्णधार रोहित शर्माला वेस्ट इंडिजविरुद्धच्या एकदिवसीय मालिकेसाठी विश्रांती देण्यात आली आहे. रोहितच्या जागी शिखर धवन संघाच्या कर्णधारपदाची जबाबदारी सांभाळणार आहे. या एकदिवसीय मालिकेत रोहित शर्मा नसेल, अशा स्थितीत संघाला चांगली सुरुवात करून देण्याची जबाबदारी शिखर धवनवर असणार आहे. रोहितच्या अनुपस्थितीत सलामीला कोण येणार या प्रश्नाचे उत्तरही अनेक जण शोधण्याचा प्रयत्न करत आहेत. एकदिवसीय मालिकेत धवनशिवाय भारतीय संघात रुतुराज गायकवाड, शुभमन गिल आणि ईशान किशन हे सलामीवीर आहेत. पण धवनसोबत डावाची सलामी कोण करणार हे महत्त्वाचे आहे.

शिखर धवन आणि रुतुराज गायकवाड सलामीला

भारताचा माजी कसोटीपटू वसीम जाफरने भारताच्या सलामी जोडीबाबत प्रतिक्रिया दिली आहे. शिखर धवनसोबत वेस्ट इंडिजविरुद्धच्या वनडेत सलामीसाठी कोणता फलंदाज सर्वोत्तम ठरेल याबाबत जाफरने एक ट्विट केले आहे. निकोलस पूरनच्या नेतृत्वातील वेस्ट इंडिज संघाविरुद्धच्या ३ सामन्यांची एकदिवसीय मालिका भारताला खेळायची आहे. या मालिकेसाठी चेन्नई सुपर किंग्जचा फलंदाज रुतुराज गायकवाडला शिखर धवनसोबत सलामीला पाठवावे, असे जाफरने म्हटले आहे. गायकवाडने शुबमन गिल किंवा इशान किशनला मात देत ​​धवनसोबत सलामी करावी, असे वसीम जाफरने आपल्या ट्विटर अकाऊंटवरून म्हटले आहे.

जाफरने ट्विट करून लिहिले की, ‘मला वाटते की ऋतुराजने वनडेमध्ये पदार्पण करावे, आणि शिखरसोबत वेस्ट इंडिज मालिकेत सलामी करावी. विजय हजारे ट्रॉफीमध्ये रुतुराजने ५ डावात ४ शतके झळकावली आहेत. त्यासोबतच भारताचे डावे-उजवे संयोजनही कायम राहील.’ आयपीएल २०२२ मध्ये आपल्या संघासाठी दमदार कामगिरी केल्यानंतर श्रीलंकेविरुद्धच्या भारतीय टी-२० संघात ऋतुराज गायकवाडचा समावेश करण्यात आला होता. तो आतापर्यंत भारतासाठी एकही वनडे सामना खेळलेला नाही.

I think Ruturaj should make his ODI debut and open with Shikhar in the WI series. Ruturaj scored 4 tons in 5 inns in the Vijay Hazare Trophy, deserves a look in. Also left-right combo stays. #WIvIND

— Wasim Jaffer (@WasimJaffer14) July 21, 2022

वेस्ट इंडीज विरुद्ध एकदिवसीय संघ

भारत : शिखर धवन (कर्णधार) ऋतुराज गायकवाड, शुबमन गिल, दीपक हुडा, सूर्यकुमार यादव, श्रेयस अय्यर, इशान किशन, संजू सॅमसन, रवींद्र जडेजा, शार्दुल ठाकूर, युझवेंद्र चहल, अक्षर पटेल, आवेश खान, प्रसिध्द कृष्णा, मोहम्मद सिराज, अर्शदीप सिंग

वेस्ट इंडिज दौऱ्याचे वेळापत्रक

पहिला एकदिवसीय सामना – २२ जुलै – पोर्ट ऑफ स्पेन
दुसरा एकदिवसीय सामना – २४ जुलै – पोर्ट ऑफ स्पेन
तिसरा एकदिवसीय सामना – २७ जुलै – पोर्ट ऑफ स्पेन

महत्वाच्या बातम्या :

• Aaditya Thackeray : “गद्दार ते गद्दारच, त्यांच्या माथ्यावरून गद्दारीचा शिक्का…”; आदित्य ठाकरे आक्रमक
• Yashomati Thakur : जीव गेला तरी बेहत्तर, दडपशाही सहन करणार नाही – यशोमती ठाकूर
• IND vs ZIM : विराट कोहलीला फॉर्ममध्ये परतण्यासाठी बीसीसीआय घेऊ शकते ‘हा’ मोठा निर्णय; वाचा!
• Aarey Car Shed : आरेमधील मेट्रो कारशेडच्या कामावरील स्थगिती उठवली, मुख्यमंत्री एकनाथ शिंदेंचा उद्धव ठाकरेंना धक्का!
• County Cricket : चेतेश्वर पुजाराचा इंग्लंडमध्ये डंका, ३ द्विशतकं झळकावून मोडला ११८ वर्षांचा विक्रम