🕒 1 min read
अमरावती : साठेबाजी आणि लिंकिंगच्या मुद्द्यावरून युरियासाठी दरवर्षी शेतकऱ्यांची अडवणूक केली जाते. ती टाळण्यासाठी या वर्षी दीड लाख टन युरियाचा बफर स्टॉक केला जाणार आहे. त्याच वेळी पीक विमा योजनेत शेतकऱ्यांना फटका बसला असून कंपन्या मालामाल झाल्यात. त्यामुळे यंदापासून ‘बीड पॅटर्न’ वापरणार असल्याची महत्त्वपूर्ण घोषणा राज्याचे कृषिमंत्री दादा भुसे यांनी केली.
कृषीमंत्र्यांनी पश्चिम विदर्भातील पाचही जिल्ह्यांचा खरीपपूर्व आढावा घेतला. त्यानंतर माध्यमांशी बोलताना ते म्हणाले की, युरियावर मोठ्या प्रमाणात सबसिडी मिळते म्हणून खत विक्रेते या खतासोबत इतर खतांचे लिंकिंग करतात. त्यामुळे दरवर्षी शेतकऱ्यांची अडवणूक होते. हे टाळण्यासाठीच या वर्षी दीड लाख टन युरियाचा बफर स्टॉक करण्याचा निर्णय राज्य शासनाने घेतला आहे. त्याचा फायदा निश्चितच दिसून येईल.
तसेच पीक विमा योजनेसाठी बीड पॅटर्न राबवण्याची घोषणा दादा भुसे यांनी केली आहे. एखाद्या जिल्ह्यात प्रीमियमपोटी १०० कोटी रुपये गोळा झाले असतील आणि नुकसानीपोटी केवळ ५० कोटी रुपयेच वितरित करावे लागणार असतील, तर उर्वरित ५० कोटी रुपयांत १० कोटी रुपये कंपनीला त्यांच्या यंत्रणेचा खर्च म्हणून आणि १० कोटी रुपये त्या कंपनीचा नफा, असे २० कोटी रुपयेच दिले जातील. उरलेले ३० कोटी रुपये नुकसान झालेल्या शेतकऱ्यांना पुन्हा दिले जावेत, असा बीड पॅटर्न असल्याचे त्यांनी सांगितले.
महत्वाच्या बातम्या
- इच्छाशक्ती समोर कोरोनाही झुकतो; डॉक्टरांनीही आशा सोडलेल्या ९३ वर्षीय आजोबांनी जिंकून दाखवलं !
- दु:खद! मेजर ध्यानचंद यांचे पुत्र बृजमोहन यांचे निधन, महिन्याभरापुर्वीच झाले होते कोरोनामुक्त
- नवाब मलिक जरा कमी बोलले तर अडचणी कमी होतील, दरेकरांचा टोला
- एबी डिव्हीलीयर्स नंतर ‘हा’ दिग्गज खेळाडूही टी-२० विश्वचषकात करु शकतो पुनरागमन
- …तर ३ आठवड्यात मुंबईकरांचे लसीकरण करू ; आदित्य ठाकरेंचा दावा
