औरंगाबाद : राहुल गांधी यांच्याविषयी यापुढे तोंड उघडले तर, जिल्ह्यातील काँग्रेस कार्यकर्ते आक्रमक होऊन चांगलाच धडा शिकवतील. आमदार कैलास गोरंट्याल यांनी दानवे यांच्या वक्तव्याचा निषेध करत धडा शिकवण्याचा इशारा त्यांना दिला. रेल्वे राज्यमंत्री रावसाहेब दानवे यांनी खासदार राहुल गांधी यांच्याबाबत केलेल्या वक्तव्याच्या निषेधार्थ काँग्रेसतर्फे दानवे यांच्या प्रतीकात्मक पुतळ्याचे शनिवारी सकाळी गांधी पुतळा चौकात दहन करण्यात आले. छत्रपती शिवाजी महाराज पुतळा समोर जालना जिल्हा व शहर काँग्रेसतर्फे जोरदार निदर्शने करण्यात आली.
राहुल गांधी देवाला सोडलेल्या वळूप्रमाणे असून ते कोणत्याच कामाचे नाहीत, असे वादग्रस्त वक्तव्य केंद्रीय रेल्वे राज्यमंत्री रावसाहेब दानवे यांनी केले होते. डाॅ. भागवत कराड यांची जनआशीर्वाद यात्रा शुक्रवारी बदनापूर येथे आली तेव्हा दानवे बोलत होते. ‘देवाला सोडलेला वळू जसा कोणत्याच कामाला चालत नाही तसेच राहुल यांचे आहे. ते कोणत्याच कामाचे नाहीत. पंतप्रधान म्हणून मोदी जनतेच्या कल्याणासाठी अहोरात्र झटत आहेत, तर राहुल गांधी या पदासाठी निष्क्रिय आहेत, असे मंत्री दानवे या वेळी म्हणाले होते.
राहुल गांधी यांच्याबद्दल केलेल्या या आक्षेपार्ह वक्तव्यानंतर जिल्ह्यातील काँग्रेस कार्यकर्त्यांमधून संतप्त प्रतिक्रिया उमटल्या. शनिवारी सकाळी प्रा. सत्संग मुंडे, जाफराबाद तालुका अध्यक्ष सुरेश गवळी यांनी दानवे यांच्या पुतळ्याचे दहन केले. आमदार कैलास गोरंट्याल यांनी दानवे यांच्या वक्तव्याचा निषेध केला. काँग्रेस समितीचे कार्याध्यक्ष राजेंद्र राख यांनी दानवेंना भान ठेवून बोलण्याचा सल्ला दिला. शहर काँग्रेस कमिटीचे अध्यक्ष शेख महमूद यांनी दानवे यांनी माफी मागावी नसता काँग्रेस कार्यकर्ते अनेक ठिकाणी त्यांना घेराव घालतील असा इशारा दिला.
महत्त्वाच्या बातम्या
- ‘शिंदेंनी ‘ते’ नारायण राणेंच्या कानात सांगितलं असेल तर मी…’; आशिष शेलार यांचं सूचक विधान
- एकनाथ शिंदेंनी धुडकावले राणेंचे ते वक्तव्य; म्हणाले…
- ‘तेव्हा राज ठाकरे माझ्यासाठी पाऊण तास उन्हात थांबले; पण शिवसेनेचं कोणी फिरकलंही नाही’
- लीड्समध्ये टीम इंडियाला विजयाची हमी ‘हे’ आहे खरे कारण
- महाराष्ट्रावर कोरोनाची तिसरी लाट उसळणार ? ; तज्ज्ञांनी केला मोठा खुलासा
