मुंबई : मराठी भाषेच्या वापरासाठी आजही आंदोलने करावे लागतात हे ही सत्य आहे. काही दिवसांपूर्वीच अमेझॉन ऍप व वेबसाईट वर मराठी भाषेचा पर्याय देण्यात यावा यासाठी मनसेने आंदोलन केले होते. उद्या २७ फेब्रुवारी म्हणजेच मराठी राजभाषा दिन ! विष्णू वामन शिरवाडकर अर्थात कुसुमाग्रज यांचा जन्मदिन मराठी राजभाषा दिन म्हणून साजरा केला जातो. मराठी भाषेला देदीप्यमान इतिहास रचणाऱ्या थोर व्यक्तींचा परीस स्पर्श लाभला आहे.
यामुळेच मराठी भाषेसाठी आग्रही असलेल्या मनसेने कोरोनाचे सर्व नियम पाळत ‘मराठी स्वाक्षरी’ मोहिमेचे आयोजन केले होते. मनसेच्या या कार्यक्रमाला मुंबई पोलिसांनी परवानगी नाकारली आहे. यामुळे मनसे आक्रमक झाली आहे. मनसे चित्रपट कर्मचारी सेनेचे अध्यक्ष अमेय खोपकर यांनी कोणत्याही परिस्थितीत कार्यक्रम करणारच असा पवित्रा घेतला आहे. त्यांनी, ‘वनमंत्री संजय राठोड यांच्या समर्थनार्थ पोहरादेवी येथे हजारोंचा जनसमुदाय जमवला, मात्र राठोडांवर काहीही कारवाई का केली नाही ? ‘ असा सवाल केला आहे.
दरम्यान, मुंबई पोलिसांनी अमेय खोपकर यांना नोटीस देखील बजावली आहे. यामुळे, मनसे अधिक आक्रमक झाली आहे. कोणत्याही परिस्थितीमध्ये कार्यक्रम घेण्यावर मनसे ठाम असल्याने पोलिसांच्या कारवाईला मनसेला सामोरं जावं लागण्याची शक्यता आहे. यावरून, मनसेचे सरचिटणीस संदीप देशपांडे यांनी थेट सरकारलाच आव्हान दिलं आहे. ‘हिंमत असेल तर अमेय खोपकरना अटक करून दाखवाच,’ असं आव्हान त्यांनी दिलं आहे.
https://twitter.com/SandeepDadarMNS/status/1365218684680036352?s=20
महत्त्वाच्या बातम्या
- दोन महिन्यात ‘दाजीं’च्या दोन खंद्या कार्यकर्त्यांना मारहाण, शहरात चर्चेला उधाण
- ‘राजसाहेब शिवजयंतीला शुभेच्छा द्यायला विसरले, परंतु सावरकरांना मात्र आवर्जून अभिवादन केले’
- मुंबईत विकासकांना करात सूट, सर्वसामान्यांची होणार लूट?
- प्रतिष्ठा पणाला…पश्चिम बंगालच्या निवडणुकांचं बिगुल वाजलं; आठ टप्प्यांत होणार निवडणूक
- कोरोनाला हददपार करण्यासाठी शनिवार आणि रविवार ‘या’ शहरात पाळला जाणार बंद
