मुंबई: शिवसेनेचे बंडखोर नेते एकनाथ शिंदे (Eknath Shinde) यांनी मनसे अध्यक्ष राज ठाकरेंशी फोनवर चर्चा केल्याची माहिती समोर येत आहे. एकनाथ शिंदे यांनी राज ठाकरे (Raj Thackeray) यांची प्रकृती जाणून घेण्यासाठी त्यांना फोन केल्याचे बोलले जात असले तरी, यामुळे शिंदे यांनी मनसेशी गाठ बांधण्याच्या दृष्टीने चर्चा केली असल्याच्या चर्चा राजकारणात रंगत आहेत. यावरूनच शिवसेना खासदार संजय राऊत (Sanjay Raut) यांनी प्रतिक्रिया देत मनसेवर निशाणा साधला आहे.
“बंडखोर आमदार AIMIM, समाजवादी पक्षातही जाऊ शकतात. आमदारकी वाचवायची असेल तर ते अशा पक्षात जाऊ शकतात. ज्या शिवसेनेने त्यांना जन्म दिला त्याचा द्वेष करत असतील तर महाराष्ट्राची माती त्यांना माफ करणार नाही. बंडखोरांमुळे मनसेला मुख्यमंत्रीपद मिळणर असेल तर ऐतिहासिक गोष्ट असेल”, असे संजय राऊत म्हणाले आहेत.
दरम्यान एकनाथ शिंदे यांनी ट्वीटद्वारे बंडखोरीमागील कारण स्पष्ट केले आहे. “मुंबई बाँबस्फोट घडवून निष्पाप मुंबईकरांचा जीव घेणाऱ्या दाऊदशी थेट संबंध असणाऱ्यांना हिंदुहृदयसम्राट वंदनीय बाळासाहेब ठाकरे यांची शिवसेना समर्थन कशी करू शकते? यालाच विरोध म्हणून उचललेलं हे पाऊल; आम्हा सर्वांना मृत्यूच्या दारात घेऊन गेले तरी बेहत्तर.”, असे ट्वीट एकनाथ शिंदे यांनी केले आहे.
महत्वाच्या बातम्या:
- Alia- Ranbir : आलिया-रणबीर लवकरच होणार आई-बाबा; पोस्ट करत म्हणाली…
- Maratha Reservation : याच तळमळीने मराठा आरक्षणासाठी न्यायालयात कष्ट कराल का? ; विनोद पाटील यांचा राज्यकर्त्यांना सवाल
- Viral Video : अभिमानास्पद ! प्रसिद्ध अभिनेत्री करतेय वारकऱ्यांची सेवा, पाहा व्हायरल व्हिडीओ
- Sadabhau Khot : “लोकशाहीमध्ये मताच्या पेटीतून राजा जन्माला येतो…”, सदाभाऊ खोत यांचा आदित्य ठाकरेंवर निशाणा
- Sanjay Raut : ‘त्या’ १५ बंडखोर आमदारांना संजय राऊत ‘नाच्या’ म्हणाले; एकनाथ शिंदेंचाही समावेश
