नवी दिल्ली: ईडी आणि इतर केंद्रीय एजन्सीद्वारे तपास करण्याच्या नावाखाली राजकीय विरोधकांना त्रास देण्याच्या आणि दहशत निर्माण करण्याचा प्रयत्न सुरु असल्याचा आरोप करत शिवसेना खासदार संजय राऊत (Sanjay Raut warning about ED) यांनी उपराष्ट्रपती व्यंकय्या नायडू यांना पत्र लिहिले आहे. यानंतर त्यांनी पत्रकार परिषद घेत लवकरच ईडी कार्यालयात काय सुरु आहे याचा पर्दाफाश करणार असल्याचा इशारा दिला आहे.
भाजपाचे नेते सतत मला अनिल देशमुखांच्या बाजूच्या कोठडीत जावं लागेल असं म्हणत आहे. तुमची इच्छा असेल तर कोठडीत जाऊ, पण लक्षात ठेवा आमच्या पाठोपाठ त्याच कोठडीत तुम्हालादेखील यावं लागणारआहे. कारण तुमची पापं जास्त आहेत. आम्ही शुद्ध आहोत. ईडीला कायदेशीरपणे ज्या कारवाया करायच्या आहेत त्या कराव्यात. पण मीदेखील ईडीच्या कार्यालयात काय सुरु आहे याचा पर्दाफाश करणार असल्याचे संजय राऊत यांनी म्हटले आहे.
दरम्यान ईडी आणि इतर यंत्रणा भाजप किंवा त्यांच्या मालकांच्या क्रिमिनल सिंडिकेटचा भाग बनल्या असून आजचं पत्र हा ट्रेलरही नाही, ट्रेलर अजून यायचा आहे. आजचं पत्र फक्त माहितीसाठी लिहिलं आहे. त्यामुळे ईडीचे लोक कशाप्रकारे सिंडिकेट चालवतात, यांचे स्व:तचे आर्थिक घोटाळे कसे आहेत त्यांचे वसुली एजंटयाबाबत पुराव्यानिशी माहिती सिद्ध करणार असल्याचे संजय राऊत यांनी म्हटले आहे.
महत्वाच्या बातम्या:
- “आम्ही तुमच्या घरात घुसलो तर नागपूरलाही जाता येणार नाही”, संजय राऊतांचा इशारा
- “मुंबईचा दादा शिवसेना आहे”; संजय राऊतांनी भाजपला सुनावले
- IPL 2022 :आयपीएलमधून “या” पाच खेळाडूंनी कमवले आहेत १५० कोटी
- “माझा राजकीय खून करण्याचा प्रयत्न केला जात आहे” जितेंद्र आव्हाडांचा खळबळजनक दावा
- “बालिश आरोप करण्यापेक्षा राऊतांनी न्यायालयात जावे”,अतुल भातखळकरांचा टोला
बातम्यांसाठी YouTube चॅनेल Subscribe करा
Subscribe Now
