मुंबई : आयपीएलमध्ये शुक्रवारी झालेल्या सामन्यात पंजाब किंग्सने बेंगळुरु रॉयल्स चॅलेंजर्स संघाचा ३४ धावांनी पराभव केला. पंजाब संघाने दिलेल्या १८० धावांच्या लक्ष्याचा पाठलाग करताना आरसीबीचा संघ केवळ १४५ धावांपर्यंत मजल मारु शकला. नवोदित गोलंदाज हरप्रीत ब्रारला अष्टपैलु कामगिरीसाठी सामनावीराच्या पुरस्काराने सन्मानीत करण्यात आले.
पंजाबचा गोलंदाज हरप्रीत ब्रारने या सामन्यात आरसीबीचे महत्वाचे फलंदाज विराट कोहली, ग्लेन मॅक्सवेल आणि एबी डिव्हिलियर्सला बाद केले. एकाच आयपीएल सामन्यात कोहली आणि डिव्हिलियर्स या दोन्ही फलंदाजांना बाद करणारा हरप्रित केवळ सातवा फिरकी गोलंदाज ठरला आहे. हरप्रितपुर्वी हा कारनामा श्रेयस गोपाळ, हरभजन सिंग, कृणाल पंड्या, नितीश राणा, राशिद खान आणि सुनील नरिन यांनी केला आहे. श्रेयस गोपाळने तर ही कामगिरी तब्बल तीन वेळा केली आहे. या यादीत आता हरप्रीत ब्रारने देखील स्थान मिळवले आहे.
सामन्यानंतर हरप्रीतनं डीव्हिलियर्सला आऊट करण्यासाठी केलेल्या योजनेचा खुलासा केला. ‘डीव्हिलियर्सला मोठे शॉट्स मारण्यापासून अडवणे ही माझी योजना होती. त्यामुळे मी त्याला ऑफ स्टंपच्या बाहेर बॉल टाकण्याचं ठरवलं. याच कारणामुळे मी स्लिपमध्ये फिल्डर उभा केला होता. सुदैवानं डीव्हिलियर्सचा तो बॉल खेळला आणि मला त्याची विकेट मिळाली. अचूक टप्प्यावर बॉलिंग करण्याची माझी योजना होती.’ असं बरारनं सांगितलं.
महत्वाच्या बातम्या
- ‘कोरोना रोखण्यास योगी सरकार अपयशी’, भाजप आमदाराकडून घरचा आहेर
- ‘सर्व काही केंद्र सरकारवर ढकलणार असाल तर राज्यकर्ते म्हणून तुम्ही काय करणार?’
- ‘तेरी मेरी यारी,…’ ; अंकुश चौधरीने अनोख्या अंदाजात केले मास्क घालण्याचे आवाहन
- …आणि काईन जेमिनसलने नेटमध्ये विराटला गोलंदाजी करण्यास दिला नकार
- कोरानाची तिसरी लाट ग्राह्यधरुन तयारी सुरू: पालकमंत्री नवाब मलिक
