औरंगाबाद : इसने मेरी बहन को मारा म्हणत एका अज्ञात व्यक्तीने शासकीय कर्करोग रुग्णालयातील डॉ. अब्दुल राफे यांच्यावर प्राणघातक हल्ला केल्याची घटना औरंगाबादेत समोर आली आहे. या घटनेमुळे शहरात एकच खळबळ उडाली असून डॉ. आपटे यांना खाजगी रुग्णालयात उपचारासाठी दाखल करण्यात आले आहे. सिडको पोलीस ठाण्याचे अधिकारी या प्रकरणाचा अधिक खोलात जाऊन तपास करत आहेत.
पोलिसांनी या प्रकरणी दिलेल्या माहितीनुसार, शहरातील शासकीय कर्करोग रुग्णालय डॉ. अब्दुल राफे हे कार्यरत आहेत. ते शहरातील कॅनॉट भागातील एका अपार्टमेंटमध्ये राहतात. बुधवारी कामावरून घरी परतल्यानंतर एक व्यक्ती पोटदुखीच्या बहाण्याने त्यांच्या घरात शिरली. यावेळी चिठ्ठीवर गोळ्यांची नावे लिहून घेण्याच्या बहाण्याने आलेल्या या व्यक्तीने राफे यांच्या नकळत त्यांच्या पोटात चाकू खुपसला. अचानक झालेल्या या हल्ल्यामुळे डॉक्टर राफे गंभीर जखमी झाले आहेत.
चाकू खूपसल्यानंतर हा हल्लेखोर पळून जात असतांना परिसरातील नागरिकांनी त्याला पकडले. त्यावेळी इसनो मेरी बहन को मारा है म्हणत नागरिकांच्या हाताला झटका देत त्या ठिकाणाहून त्यानो पळ काढला. मात्र या सर्व झटापटीत आपली दुचाकी तो अपार्टमेंटच्या खालीच सोडून गेला. या घटनेची माहिती मिळाल्यानंतर सिडको पोलिस ठाण्याचे अधिकारी या ठिकाणी दाखल झाले होते. मात्र तोपर्यंत त्यांना खासगी रुग्णालयात उपचारासाठी दाखल करण्यात आले. सदर दुचाकी कर्नाटकातील गुलबर्गा येथील असल्याची माहिती हाती आली आहे.
महत्त्वाच्या बातम्या
- लेखिका पद्मा लक्ष्मीने शेअर केला ‘नान बेडशीट’चा फोटो, नेटकरी म्हणाले..’सकाळी उठल्याबरोबर..’
- एसटी संपाची महिनापूर्ती; औरंगाबादेत महिनाभरात ३६ कर्मचारी निलंबित, २८ चालक-वाहक रुजू
- मोठी बातमी! हेलिकॉप्टर अपघातात आतापर्यंत १३ जणांचा मृत्यू
- औरंगाबादेत जिल्हाधिकारी, आयुक्तांची रस्त्यावर उतरुन जनजागृती
- बाजार समितीच्या विरोधात राष्ट्रवादीला हाताशी धरुन भाजपच्या तक्रारी
