नवी दिल्ली: सातत्याने वाढत असलेल्या पेट्रोल-डिझेलच्या किमतीवरून विरोधी पक्ष केंद्र सरकारवर टीका करत आहे. तसेच वाढत्या इंधन दरवाढीवरून अनेक भागात आंदोलन देखील करण्यात येत आहे. याबाबत आता काँग्रेसच्या सरचिटणीस प्रियांका गांधी यांनी ट्विटरवरुन पंतप्रधान मोदींवर निशाणा साधला आहे.
हर रोज जब आप महंगा पेट्रोल-डीजल खरीदें तब याद रखिए
मोदी सरकार पेट्रोलियम पदार्थों पर टैक्स से 23 लाख करोड़ रु कमा चुकी हैहर रोज जब महंगा तेल-सब्जी खरीदें तब याद रखिए
इस सरकार में 97% परिवारों की आय घट गई, लेकिन खबरों के अनुसार मोदी जी के खरबपति मित्र हर रोज 1000 करोड़ कमाते हैं— Priyanka Gandhi Vadra (@priyankagandhi) October 22, 2021
प्रियांका गांधीनी ट्विटमध्ये म्हंटले की, ‘जेव्हा तुम्ही दररोज महाग पेट्रोल आणि डिझेल खरेदी करता तेव्हा लक्षात ठेवा, मोदी सरकारने पेट्रोलियम उत्पादनांवर लावलेल्या करातून 23 लाख कोटी रुपये कमावले आहेत. रोज महाग तेल-भाज्या विकत घेताना लक्षात ठेवा. या सरकारने 97% कुटुंबांचे उत्पन्न कमी केले पण मोदीजींचे मित्र दररोज 1000 कोटी कमावतात,’ अशी टीका प्रियंका गांधी यांनी केली आहे.
दरम्यान, वाढत्या इंधन दरवाढीपासुन नागरिकांना कोणताही दिलासा मिळत नसल्याचे चित्र दिसत आहे. यातच आज पेट्रोल आणि डिझेलच्या प्रतिलीटर दरात प्रत्येकी 35 पैशांची वाढ झाली आहे. पेट्रोलियम कंपन्यांनी आज जाहीर केलेल्या दरांनुसार देशाची राजधानी दिल्लीत पेट्रोल आणि डिझेलचा दर अनुक्रमे 106.89 आणि 95.62 रुपये इतका आहे. तर मुंबईत पेट्रोल 112.78 रुपये , डिझेल 103.63 रुपये प्रति लिटर पर्यंत पोहचले आहे.
महत्त्वाच्या बातम्या
- केंद्रस्तरीय स्थायी मंत्रीगटाची अजित पवार यांच्या नेतृत्वाखाली बैठक
- राष्ट्रवादी काँग्रेसने नेहमीच सर्वसामान्य कार्यकर्त्याला न्याय दिला-धनंजय मुंडे
- ‘तू ये बता की अनिल देशमुख कहा है और मुख्यमंत्री मंत्रालय कब जायेगें’, भाजपचा पलटवार
- लालबागेतील आगीला व्यवस्थापन जबाबदार, महापौर किशोरी पेडणेकर
- ‘तुमचंच सुरू ठेवायचं असेल तर ठेवा, मी निघून जातो’, अजित पवार पत्रकारांवर संतापले
