मुंबई : सध्या सगळीकडे गणेशोत्सवाचं वातावरण आहे. राजकीय नेते एकमेकांच्या घरी गणपती दर्शनाला जात आहेत. यामध्ये मुख्यमंत्री एकनाथ शिंदे याचंही नावं येतं. याच मुद्यावरून राष्ट्रवादी काँग्रेसच्या नेत्या आणि खासदार सुप्रिया सुळे यांनी एकनाथ शिंदे यांच्यावर टीका केली होती. अशातच सुप्रिया सुळे यांना भाजप पक्षाचे आमदार गोपीचंद पडळकर यांनी चांगलाच प्रत्युत्तर दिलं आहे.
गोपीचंद पडळकर यांचे वक्तव्य-
गणपतीच्या दर्शनासाठी मुख्यमंत्री आणि उपमुख्यमंत्री काही लोकांच्या घरी जात आहेत. तर त्याचाही त्यांना त्रास होतोय. वाईट वाटतंय. हे सगळं द्वेषातून होतंय, असं म्हणत गोपीचंद पडळकर यांनी सुप्रिया सुळे यांच्यावर निशाणा साधला आहे. पडळकर यांनी पत्रकारांसोबत संवाद साधला, त्यावेळी ते बोलत होते.
सर्वसामान्य माणसाला भाजपने संधी दिली-
सुप्रिया सुळेंचा समज आहे की, त्यांना वाटतं त्यांचे वडीलच केवळ राज्याच्या राजकारणात बदल करु शकतात. असं असताना एकनाथ शिंदे आणि देवेंद्र फडणवीसांनी त्यांच्या या समजाला छेद दिला हे त्यांना पटलं नाही. एका सर्वसामान्य माणसाला भाजपने संधी दिली. एकनाथ शिंदेंसारख्या नेत्यांला मुख्यमंत्री केल्याचं सुप्रिया ताईंना पटलं नसल्याचं म्हणत पडळकरांनी सुप्रिया सुळे यांना सडकून टोला लगावला आहे.
दरम्यान, माध्यमांशी बोलताना सुप्रिया सुळे यांनी गाठीभेटी आणि होम व्हिजिट सोडून या सरकारच्या फारश्या काही बातम्या दिसत नाहीत. जे दौरे दिसतात ते एक किलोमीटरच्या आतले असतात. मी जेव्हा जेव्हा टीव्ही बघते तेव्हा मला ते कुणाच्या तरी घरीच दिसतात, असं म्हणत मुख्यमंत्री एकनाथ शिंदे यांच्यावर निशाणा साधला होता.
महत्वाच्या बातम्या :
- Shivsena । मेल्या आईचे दूध प्यायलेले नाहीत याचे भान राखा; शिवसेनेचा भाजपाला इशारा
- Mumbai : गृहमंत्री अमित शहा मुंबईत दाखल, आज ठरणार का BMC निवडणूकीची रणनीती..!
- Ambadas Danve | शिवसैनिकांना शोधून मारणारा अजून जन्माला यायचाय; दानवेंचं गायकवाडांना प्रत्युत्तर
- IND vs PAK । “बाबर आझमने या क्रमांकावर फलंदाजी केली, तर भारताविरुद्ध… “; सामन्यापूर्वीच माजी खेळाडूच मोठे विधान
- Cyrus Mistry Death । टाटा ग्रुपचे माजी चेअरमन सायरस मिस्त्री यांचा पालघरमधील रस्ते अपघातात मृत्यू
