नांदेड : शुक्रवारी शिवजंयती सगळीकडे जल्लोषात साजरी झाली. या दिवशी सर्व शिवभक्तांनी वेगवेगळ्या प्रकारे जंयती साजरी केली. यात प्रामुख्याने वाहनाला भगवा झेंडा लावून शिवरायांचा जल्लोष करत रॅली काढणे. शहरातील छत्रपती शिवरायांच्या उत्सवमुर्तीला अभिवादन करणे. यासारखे अनेक प्रकारे शिवजंयती अविस्मरणीय करण्याचा शिवप्रेमीनी प्रयत्न केला. मात्र याला अपवाद ठरले ते नांदेड शहरातील काही पर्यावरणप्रेमी.
छत्रपती शिवाजी महाराज यांच्या जयंतीनिमीत्त नांदेडमधील काही पर्यावरणप्रेमीनी शहराचे वैभव असलेल्या गोदावरी नदीला प्रदुषणातून मुक्त करण्यासाठी पुढाकार घेतला आहे. शहरालगत असलेली गोदावरी नदीचे पात्र टप्प्याटप्प्याने स्वच्छ करण्याच्या कामास शिवजंयतीच्या शुभमुहूर्तावर सुरुवात केली. येत्या रविवारी गोवर्धनघाट येथून कामाला सुरुवात होणार आहे. अशी माहिती मिळाली आहे. शुक्रवारी प्रारंभिक स्तरावर नदिपात्राची साफसफाई सुरु करण्यात आली होती.
नदीला प्रदुषणाच्या विळख्यातून बाहेर काढण्यासाठी समाज, शासन व लोकप्रतिनिधी यांनी एकत्र येऊन पुर्ण क्षमतेने काम करणे गरजेचे आहे. तरच या कामाचा व्यापक परिणाम दिसेल आणि गोदावरी नदी प्रदुषण मुक्त होईल असे या पर्यावरणप्रेमीनी सांगितले. आज शिवजयंतीनिमित्त छत्रपती शिवाजी महाराजांच्या प्रेरणेतून कामास सुरवात करण्याचं धाडस आम्ही केलं आहे, असे यावेळी पर्यावरणप्रेमीनी सांगितले. यावेळी परमेश्वर पौळ, संतोष मुगटकर, प्रल्हाद घोरबांड, कैलास अमिलकंठवार, गणेश साखरे नदीपात्र साफ करण्यासाठी उपस्थित होते.
महत्वाच्या बातम्या
- ‘लाख संकटं आली पण ५५ वर्षात महाराष्ट्रातील जनतेने पवारसाहेबांना कधीही अंतर दिले नाही’
- जेव्हा कलाम राष्ट्रपती झाले तेव्हा अटलजी मोदींना राजधर्म शिकवत होते
- पोलीस अधीक्षक मोक्षदा पाटील यांच्यासह पोलीस आयुक्त डॉ. निखील गुप्तांनी घेतली लस
- ‘या’ मुलीने आपल्याच मृत्यूची केली होती भविष्यवाणी,जिथे सांगितलं होतं तिथेच मिळाला मृतदेह
- …तर पेट्रोल डिझेलचे भाव कमी होतील : निर्मला सीतारमण
