पुणे : राज्यात गेल्या महिन्यापासून कोरोनाबाधितांमध्ये मोठी वाढ झाली आहे. मुंबईत देखील एप्रिलच्या पहिल्या आठवड्यात दररोज दहा हजारांहून अधिक रुग्णांची नोंद करण्यात येत होती. यामुळे, रुग्णालयांमध्ये बेड्स, ऑक्सिजन, औषधे यांचा मोठा तुटवडा निर्माण झाला होता. दरम्यान, आता राज्यात कडक निर्बंधांसह लॉकडाऊन लागू करण्यात आला आहे.
परंतु ऐन लॉकडाऊनमध्ये वाढदिवस आलेल्यांची चांगलीच तारांबळ उडालेली पाहायला मिळत आहे. अशाच एका युवाकाने चक्क पुणे पोलिसांना ट्वीट करून लॉकडाऊनमुळे होणारी त्याची अडचण व्यक्त केली. ‘सर 1 मे ला माझा वाढदिवस आहे, मित्र पार्टी दे म्हणत आहेत तर बर्थडे पार्टीसाठी किती जणांना परवानगी आहे, आणि ती भेटण्यासाठी काय करावं लागेल?’ अशा आशयाचे ट्वीट सदर युवकाने थेट पुणे पोलिसांना केले.
ट्वीटरवर नेहमीच आपल्या खास शैलीमुळे चर्चेत असणाऱ्या पुणे पोलिसांनी देखील त्याच्या ट्वीटला आता भन्नाट उत्तर दिले आहे. ‘तुमच्या मित्रांना लॉकडाऊनच्या काळात बाहेर जायचे असेल तर त्यांना आमचा नंबर द्या. आम्ही त्यांना ‘पार्टी’ साठी आमंत्रित करू, वाढदिवसाच्या ‘ऍडव्हान्स’ मध्ये शुभेच्छा. घरीच राहा, सुरक्षित राहा!’ असा खोचक सल्ला पुणे पोलिसांनी सदर युवकाला दिला आहे.
तुमच्या मित्रांना लॉकडाऊनच्या काळात बाहेर जायचे असेल तर त्यांना आमचा नंबर द्या. आम्ही त्यांना "पार्टी"साठी आमंत्रित करू.
वाढदिवसाच्या 'ऍडव्हान्स' मध्ये शुभेच्छा. घरीच राहा, सुरक्षित राहा!#BirthdaySurprise
#StayHome
#StayHomeStaySafe https://t.co/bOK7Zp1sEx— पुणे शहर पोलीस (@PuneCityPolice) April 27, 2021
त्यामुळे आता पुणे पोलिसांनी दिलेला हा सल्ला युवक व त्याचे पार्टी मागणारे मित्र ऐकणार का ? कि वाढदिवसाच्या पार्टीसाठी पोलिसांची भेट घेणार हा प्रश्न सध्या नेटकऱ्यांना पडलेला आहे. परंतु सध्याची परिस्थिती पाहता सदर युवकाने यंदाचा त्याचा वाढदिवस त्याच्या घरामध्ये कुटुंबासोबतच साजरा करणे गरजेचे आहे. तरच तो स्वत: देखील सुरक्षित राहील आणि त्याचे कुटुंबीय देखील सुरक्षित राहतील.
महत्वाच्या बातम्या
- ‘अनिल देशमुख यांनी सीबीआय चौकशीला समोरं जावं, चौकशीअंती खरं-खोटं समोर येईल’
- भाजपाच्या पुढाकारातून अंधेरी, कांदिवलीत दोन नव्या कोविड सेंटर्सचा प्रारंभ
- कोरोनाच्या पार्श्वभूमीवर श्रीतुळजाभवानीचा चैञी पोर्णिमा उत्सव भाविकांविना साजरा
- आपली जबाबदारी केंद्र सरकारवर ढकलणं ही आता महाराष्ट्र सरकारची ओळख झाली आहे – दानवे
- ऑक्सिजन प्लांटच्या कामासाठी एका नव्या पैशाचाही निधी मिळाला नाही त्यात भ्रष्टाचार कसा झाला?
