औरंगाबाद : शहरात सोमवारी डझनभर मंत्री आढावा बैठकीसाठी आले होते. यावेळी बहुजन समाज पार्टीच्या वतीने औरंगाबाद जिल्हाधिकारी कार्यालयासमोर निदर्शने करण्यात आली. शहरातील झोपडपट्टी परिसरातील नागरिकांना पीआर कार्ड देण्यात यावे तसेच इतर नागरी सुविधा या परिसरात देण्यात याव्यात यासह इतर मागण्यांसाठी आंदोलन केले गेले.
राज्य सरकारने नुकताच शहरातील गुंठेवारी भागातील नागरिकांना पीआर कार्ड देण्याचा निर्णय घेतला आहे. यावर आंदोलकांनी टिका केली. शहरातील आंबेडकरनगर, उस्मानपुरा, घाटी झोपडपट्टी, सिद्धार्थनगर, नारेगाव, ब्रिजवाडी, मिसारवाडी या परिसरातील रहिवासी २५-३० वर्षांपासून राहतात. राज्य सरकारने या परिसराला स्लम एरिया म्हणून घोषित केले. या परिसरांना डावलून १० वर्षांपूर्वी वसलेल्या गुठेंवारी विभागातील नागरिकांना पीआर कार्ड देण्यात येणार आहे.
याच धर्तीवर स्लम एरियातील मुस्लिम, मातंग, बौद्ध, ओबिसी समाजातील नागरिकांना बांधवानाही पीआर कार्ड मिळावे. हे नागरिक या परिसरात ३०-४० वर्षांपासून राहतात. या नागरिकांना जर पीआर कार्ड देण्यात आले नाही तर आम्ही शहरात कुणालाही पीआर कार्ड मिळु देणार नाही असा इशारा बसपाच्या वतीने देण्याता आला. यावेळी पंडित बोर्डे (प्रदेश महासचिव), सचिन बनसोडे( प्रदेश सचिव), नदीम चौधरी( प्रदेश सचिव), समाधान जाधव (जिल्हाध्यक्ष), महिंद्र सोनवणे, बाबासाहेव पगारे, शंकरमामा चौथे, विजय बचके, अमोल पवार, अजय यादव, कुणाल लांडगे इत्यादींनी सहभाग घेतला.
महत्वाच्या बातम्या
- दिशा रवी अटकेप्रकरणी महिला आयोगाने दिल्ली पोलिसांना बजावली नोटीस
- फासे पलटणार ? आमचा ज्योतिष विद्येवर विश्वास नाही; मलिकांची फडणवीसांवर टीका
- भाजपाने देशविरोधी केलेल्या षडयंत्राचा पर्दाफाश झाला ; सचिन सावंतांचा हल्लाबोल
- संतापजनक! परळीत दोन चिमुकल्या मुलींवर शेजाऱ्याकडून अत्याचार
- चौकशीत संजय राठोड दोषी आढळले तर त्यांच्यावर गुन्हा दाखल होईलच – गुलाबराव पाटील
