केईएम रुग्णालयाला भारतातील पहिल्या महिला डॉक्टर आनंदीबाई जोशी यांचं नाव द्या – मनसे

🕒 1 min read

टीम महाराष्ट्र देशा- मुंबईतील परळ येथील किंग एडवर्ड मेमोरियल रुग्णालय अर्थात केईएम रुग्णालयाला भारतातील पहिल्या महिला डॉक्टर आनंदीबाई जोशी यांचं नाव देण्यात यावं, अशी मागणी महाराष्ट्र नवनिर्माण सेनेने जोशी यांच्या १५३व्या जन्मदिनी महापालिकेकडं केली आहे.

भारतातील पहिल्या महिला डॉक्टर स्व. आनंदीबाई जोशी यांना जयंतीनिमित्त महाराष्ट्र नवनिर्माण सेनेतर्फे विनम्र अभिवादन. #मनसेअभिवादन pic.twitter.com/wTGpBQ2ofw

Related News for You

• Raj Thackeray | सगळे शेफारले, तर आधी राजीनामा द्या ; राज ठाकरेंचा मनसैनिकांना इशारा!
• Rohit Pawar | “मी राज ठाकरेंच्या ओरिजनल स्टाईलचा फॅन, मात्र…”; रोहित पवारांचा खोचक टोला 
• Gajanan Kale | “शिल्लक सेनेतले सगळे मर्द संपले असतील तर…”; राऊतांचा उल्लेख करत मनसेचा ठाकरे गटावर हल्लाबोल 

— MNS Adhikrut – मनसे अधिकृत (@mnsadhikrut) March 31, 2018

आनंदीबाईंनी वयाच्या १४व्या वर्षी एका मुलाला जन्म दिला. परंतु दुर्दैवाने पुरेशी वैद्यकीय सुविधा न मिळाल्याने तो केवळ १० दिवसच जगू शकला. हीच खंत आनंदीबाईंना वैद्यकीय शिक्षणाकडे खेचून घेण्यास कारणीभूत ठरली आणि आनंदीबाईंनी शिकून डॉक्टर होण्याचा निर्णय घेतला.१८८३ म्हणजे वयाच्या 19व्या वर्षी ‘विमेन्स मेडिकल कॉलेज ऑफ पेन्सिल्व्हानिया’मध्ये प्रवेश मिळाला. कष्टाच्या आणि जिद्दीच्या जोरावर अभ्यासक्रम पूर्ण करुन मार्च इ.स. १८८६ मध्ये आनंदीबाईंनी एम.डी.ची पदवी मिळवली.ज्या काळात महिलांनी बाहेर पडणंही दुरापास्त होतं त्यावेळी आनंदीबाईंनी थेट डॉक्टर होण्यापर्यंतची मजल मारली होती.आनंदीबाई या पहिल्या भारतीय महिला डॉक्टर आहेत की ज्यांनी डॉक्टरकीची पदवी मिळवली.

मुंबई : केईएम रुग्णालयाचे नाव 'डॉ. आनंदीबाई जोशी रुग्णालय' करण्याबाबत महाराष्ट्र नवनिर्माण सेनेचा प्रस्ताव ठेवला होता. आज आनंदीबाई जोशी यांच्या जयंतीनिमित्त पुन्हा @MCGM_BMC , @iamvmahadeshwar यांना प्रस्तावाची पुन्हा आठवण करून देत आहोत. जय महाराष्ट्र! https://t.co/MWbOYsdxTk

— MNS Adhikrut – मनसे अधिकृत (@mnsadhikrut) March 31, 2018

जोशी यांच्या कार्याचा आणि योगदानाचा गौरव व्हावा या हेतूने ‘केईएम’ला डॉ. जोशी यांचं नाव देण्याची मागणी करणारं निवेदन मनसेनं याआधीही दिलं होतं. आज डॉ. जोशी यांच्या १५३ व्या जयंतीनिमित्त मनसेनं या मागणीचं पालिकेला स्मरण करून दिलं आहे.

एकोणिसाव्या शतकाच्या उत्तरार्धात तत्कालीन समाजव्यवस्थेच्या स्त्रीविषयक गैरसमजुतींना छेद देत आपले कर्तृत्व सिद्ध करणाऱ्या डॉ. आनंदीबाई जोशी यांना मनसेनं जयंतीनिमित्त अभिवादन केलं. केईएम रुग्णालयाला त्यांचं नाव देण्यात यावं, अशी मागणी पुन्हा पालिकेकडं केली. या मागणीच्या निवेदनाचं ट्विट त्यांनी केलं. या ट्विटमध्ये त्यांनी मुंबई महापालिका आणि महापौर विश्वनाथ महाडेश्वर यांना टॅग केलं आहे. केईएम रुग्णालयाचं नाव ‘डॉ. आनंदीबाई जोशी रुग्णालय’ करण्यात यावं, या मागणीचं निवेदन मनसेनं दिलं होतं. आज आनंदीबाई जोशी यांच्या जयंतीनिमित्त या मागणीची महापालिकेला आठवण करून देत आहोत, असं ट्विटमध्ये म्हटलं आहे.