🕒 1 min read
औरंगाबाद : पैठण येथील जायकवाडी धरणामध्ये नाशिक,अहमदनगर जिल्ह्यातून मोठया प्रमाणावर पाण्याचा विसर्ग करण्यात आल्यामुळे धरणातील पाणी साठा 91.99% एवढा झाला आहे. यामुळे जायकवाडी चार दरवाजे उघडून पाण्याचा विसर्ग नदीपात्रात सुरु केला असल्याचे कार्यकारी अभियंता पाटबंधारे विभाग,नाथसागर (उत्तर पैठण ) कार्यालयाने कळविले आहे.
जायकवाडी प्रकल्पाच्या दरवाजा क्रमांक-10 आणि 27 मधून 1048 Cusecs तर जल-विद्युत केंद्रातून 1589 Cusecs असा एकूण 2637 Cusecs इतका विसर्ग गोदावरी नदी पात्रात सुरु आहे.
पाणी विसर्गामुळे संभाव्य प्रभावित होणाऱ्या नदी काठच्या गावांना दक्षतेचा ईशारा देण्यात आला आहे. नदी काठावरील गावांतील नागरिकांनी नदीपात्रात प्रवेश करु नये, नदी क्षेत्रात विहार करु नये अथवा जनावरांना मोकळे सोडु नये. नौका विहार टाळावा असे आवाहन प्रशासनाच्यावतीने करण्यात आले आहे.
महत्वाच्या बातम्या
पुणे जिल्ह्यात मुसळधार; पानशेत धरण १०० टक्के भरले
पूरग्रस्तांना १०-१५ हजार रुपये देण्यापेक्षा त्यांना घेऊन घरे बांधून द्या : शरद पवार
परळीत येणाऱ्या शेतकऱ्यांना केवळ १० रूपयात जेवण मिळणार
