Sanjay Pandey । मुंबई : सध्या राजकीय वर्तुळात दररोज मोठे गौयस्फोट होत असताना दुसरीकडे आज एक मोठी बातमी समोर आली आहे. नॅशनल स्टॉक एक्सचेंज को-लोकेशन घोटाळ्याप्रकरणी अंमलबजावणी संचालनालयाने आज मुंबईचे माजी पोलीस आयुक्त संजय पांडे यांना अटक केली. संजय पांडे यांनी दिल्लीतील ईडीच्या मुख्यालयात आज तिसऱ्यांदा चौकशीसाठी बोलवण्यात आले होते.
सध्या दोन वेगवेगळ्या प्रकरणात संजय पांडे यांची ईडीकडून चौकशी सुरू असून ईडीने त्यांना आज दिल्लीमध्ये अटक केली आहे. त्यांच्यावर फोन टॅपींग केल्याचे देखील आरोप आहेत. या प्रकरणात त्यांची पाठीमागील काही दिवसांपासून चौकशी सुरु होती. या प्रकरणात चौकशीसाठी ते ईडी कार्यालायत मंगळवारी (19 जुलै) दाखल झाले होते. या वेळी ईडीने ही कारवाई केली. या प्रकरणाची ईडी आणि सीबीआय कडून चौकशी करण्यात येत होती. दरम्यान ईडीने आज त्यांना अटक केली आहे.
तसेच भारतीय पोलीस सेवेतू (IPS) निवृत्त झाल्याच्या दुसऱ्याच दिवसापासून संजय पांडे यांच्या पाठिमागे ईडीचा ससेमिरा लागला आहे. विशेष म्हणजे संजय पांडे यांनी राज्याचे मुख्यमंत्री एकनाथ शिंदे यांची भेट आजच (19 जुलै) घेतली होती. त्यानंतर काही तासातच ईडीने कारवाई करत त्यांना अटक केल्याचे वृत्त आले. तसेच संजय पांडे यांचे सर्व जबाब मनी लाँडरिंग प्रतिबंध कायदा अन्वये नोंदवण्यात आल्याचीही माहिती आहे.
महत्वाच्या बातम्या :
- Rajendra Janjala : “कुस्तीच्या आखाड्यात समोरच्या पहिलवानाने लंगोटच काढून घेतल्यानंतर…”; राजेंद्र जंजाळांची खैरेंवर सडकून टीका
- Raosaheb Danve: उद्धव ठाकरेंना स्वतःला मुख्यमंत्री व्हायचं होतं म्हणून… – रावसाहेब दानवेंची टीका
- Kishori Pednekar | “जायचं असेल तर सरळ जा परंतु…” ; रामदास कदमांच्या आरोपानंतर किशोरी पेडणेकर आक्रमक!
- Eknath Shinde : 12 खासदारांच्या समर्थनाचं पत्र लोकसभा अध्यक्षांकडे दिल्यानंतर शिंदेंची पहिली प्रतिक्रिया, म्हणाले…
- Imtiaz Jalil : गुगलने संभाजीनगर उल्लेख केल्याने इम्तियाज जलील संतापले, थेट गुगललाच विचारला जाब
