मुंबई : कस्टम अधिकाऱ्यांनी एका विदेशी महिलेला पाच कोटींच्या ड्रग्जसह अटक केली आहे. या 50 वर्षीय परदेशी महिलेकडून 500 ग्रॅम कोकेन जप्त करण्यात आले आहे. आरोपी महिलेला मुंबईतील छत्रपती शिवाजी महाराज आंतरराष्ट्रीय विमानतळावरून अटक करण्यात आली आहे. एवढेच नाही तर डीआरआयच्या मुंबई पथकाने पाच आरोपींना सोन्याची तस्करी करताना पकडले आहे. त्यांच्याकडून दोन कोटी रुपयांचे सोने जप्त करण्यात आले आहे. या संपूर्ण कारवाईची माहिती कस्टम विभागाने दिली आहे.
इथिओपियाची राजधानी अदिस अबाबा येथून ही महिला मुंबईत पोहोचली –
कस्टम्स एअर इंटेलिजन्स युनिट (AIU) च्या अधिकाऱ्यांनी गुरुवारी संध्याकाळी छत्रपती शिवाजी महाराज आंतरराष्ट्रीय विमानतळाच्या अरायव्हल गेट हॉलजवळ आरोपी महिला बिंटू जानेहला थांबवून तिची चौकशी केली. इथिओपियाची राजधानी अदिस अबाबा येथून ही महिला मुंबईत पोहोचली होती. आरोपी महिलेने तिच्या बॅगेत कोकेन लपवले होते.संबंधित महिला हे कोकेन मुंबईतील एका व्यक्तीला देणार होती.
नेटवर्कशी जोडलेल्या इतर लोकांची ओळख शोधण्याचा प्रयत्न सुरु –
चौकशीदरम्यान बिंटू जानेहने सांगितले की ती एका गरीब कुटुंबातील आहे. माल पोहोचवण्याच्या बदल्यात मुंबईतील एका व्यक्तीला कमिशन देण्याचे अज्ञात व्यक्तीने सांगितले. इथिओपियाची राजधानी अदिस अबाबा येथे हे पाकीट त्याच्याकडे सुपूर्द करण्यात आले. मात्र आरोपी महिलेने हे पाकीट कोणाला डिलिव्हरी करणार होते याबद्दल काहीही माहिती असण्यास नकार दिला. संबंधित महिलेने दिलेल्या माहितीच्या आधारे कस्टम अधिकारी या नेटवर्कशी जोडलेल्या इतर लोकांची ओळख शोधण्याचा प्रयत्न करत आहेत.
2 कोटी रुपये किमतीचे 4.5 किलो सोने जप्त-
याशिवाय बुधवारी सीमाशुल्क विभागाने मुंबईच्या आंतरराष्ट्रीय विमानतळाजवळ 2 कोटी रुपये किमतीचे 4.5 किलो सोने जप्त केले. कस्टम अधिकाऱ्यांनी दिलेल्या माहितीनुसार, 17 ऑगस्ट रोजी तीन वेगवेगळ्या प्रकरणांपैकी एका प्रकरणात तीन प्रवाशांना कालिकत-मुंबई फ्लाइटच्या टॉयलेट आणि सीटमध्ये लपवून सोन्याची तस्करी करताना अटक करण्यात आली होती. हे तिन्ही प्रवासी शारजाहून मुंबईत आले होते.
महत्वाच्या बातम्या :
- #Boycott_Amazon| श्रीकृष्णची अश्लील पेंटींग अॅमेझाॅन वर पाहून नेटकरी संतापले, कारवाईची मागणी
- BMC निवडणुकीसाठी भाजपने केली मोठी तयारी! 370 दहीहंडीतून फोडला प्रचाराचा नारळ?
- Chandrakant Patil । मागणी केल्यास विटी दांडू आणि मंगळागौरीलाही खेळाचा दर्जा दिला जाईल; पाटलांचा पवारांवर पलटवार
- Ajit Pawar । आलं मनात अन् केलं जाहीर, असं होत नाही; गोविंदाच्या आरक्षणावरून अजित पवार संतापले
- VIDEO | “SEX साठी पुरूषाची गरज नाही” ; Selfmarriage केल्यानंतर ट्रोल झालेल्या अभिनेत्रीचे उत्तर! म्हणाली, मी दारू आणि गांजा…
