औरंगाबाद : मागील वर्षी सोयाबीन पिकाला चांगला भाव मिळाल्यामुळे चालु हंगामात शेतकऱ्यांचा सोयाबीन पेरणी करण्याकडे कल वाढल्याचे दिसून येत असून शेतकऱ्यांनी काळजी घेण्याचे आवाहन पंचायत समिती कृषि अधिकारी अशोक खेडकर यांनी केले आहे.
परवानाधारक विक्रेत्याकडून सील बंद वेस्टन व लेबल असलेले बियाणे खरेदी करावे.बियाणे खरेदीची पावती ,बिल खरेदी केलेल्या बियाण्याचा संपूर्ण तपशील जसे की पिक ,वाण, संपूर्ण लॉट नंबर, वजन, बियाणे कंपनीचे नाव, बियाणे किंमत खरेदीदाराचे संपूर्ण नाव व पत्ता, सही इत्यादी नमूद असलेली रोखीची अथवा उधारीची पावती घ्यावी. बियाणे खरेदी करताना वैद्य मुदतीची खात्री करून घ्यावी व वैद्य मुदतीच्या आतील बियाणे खरेदी करावे.
पिशवी वर नमूद एमआरपी दरापेक्षा जास्त दराने बियाणे खरेदी करू नये. बियाणे खरेदी ची पावती, वेस्टन बॅग व त्यावरील लेबल टॅग इत्यादी जपून ठेवावे. पेरणीपुर्वी रोगप्रतिकारक शक्ती वाढण्यासाठी बिज प्रकीया करणे आवश्यक आहे. पेरणीपुर्वी बियाणे उगवणक्षमता तपासुनच पेरणी करावी. योग्य वाणाची निवड, वाणांची उत्पादन क्षमता, जमीनीची प्रत, ओलीताची सोय, दुबार पिक घेण्याची तयारी या बाबींचा विचार करुन योग्य वाणांची निवड करावी, असे आवाहन पं.स.कृषी अधिकारी अशोक खेडकर यांनी केले आहे.
महत्वाच्या बातम्या
- एक महिना तीन दिवस झाले तरी राज्य सरकाने स्वतंत्र पुनर्विचार याचिका का दाखल केली नाही?
- ‘पंतप्रधानांचा आदर्श घेऊन महाविकास आघाडीनेही राज्यातील गरिबांना भरघोस मदत करावी’
- उरवडे येथील आगीला जबाबदार कोण ? गृहमंत्री म्हणतात…
- “पीक विमा आमच्या हक्काचा नाही कोणाच्या बापाचा”, परभणीत भाजप तर्फे आंदोलन
- ‘नरेंद्र मोदींची भेट झाली म्हणून आम्ही शांत झालो असा गैरसमज राज्य सरकारने करून घेऊ नये’
