शाहू महाराजांनंतर मुख्यमंत्र्यांनीचं मराठा समाजासाठी सर्वाधिक काम केले : विनायक मेटे

टीम महाराष्ट्र देशा : शिवसंग्रामचे नेते आणि शिवस्मारक समितीचे अध्यक्ष विनायक मेटे यांनी मुख्यमंत्री देवेंद्र फडणवीस यांची स्तुती केली आहे. मराठा समाजाला शिक्षणात १२ तर नौकरीत १३ टक्के आरक्षण देण्याचा निर्णय उच्च न्यायालयाने दिला आहे. यासाठी मुख्यमंत्री देवेंद्र फडणवीस यांचे योगदान महत्वपूर्ण आसल्याच मेटे यांनी म्हटले आहे.

मराठा आरक्षण उच्च न्यायालयाने वैध ठरविल्याच्या पार्श्वभूमीवर शनिवारी आमदार मेटे यांनी पत्रकार परिषद घेतली. यावेळी बोलताना मेटे यांनी मराठा समाजाला आरक्षण तर दिलेच; शिवाय समाजासाठी इतरही अनेक कामे मुख्यमंत्री देवेंद्र फडणवीस यांनी केली. छत्रपती राजर्षी शाहू महाराज यांच्यानंतर मराठा समाजासाठी सर्वाधिक काम मुख्यमंत्री फडणवीस यांनीच केले असल्याचा दावा केला आहे.

दरम्यान, देवेंद्र फडणविस आणी समितीने आमच्या आग्रहानुसार निर्णय घेतले. टिकणारे आरक्षण देण्याची फडणवीसांची नियत होती. म्हणूनच त्यांनी अभ्यापूर्ण अहवाल तयार करुन न्यायालयात वकिलांची फौज उभी केली असेही विनायक मेटे म्हणाले.