मुंबई : मुंबईतील साकीनाका बलात्कार प्रकरणाची घटना ताजी असतानाच आता एक धक्कादायक घटना समोर आली आहे. राज्यभरात महिला अत्याचाराच्या घटनांवरून भाजपने आवाज बुलंद केला असताना आता मुंबईतील भाजपच्या नगरसेविकेच्या कार्यालयातच एका महिलेचा विनयभंग केल्याचा आरोप करण्यात आला आहे.
या प्रकरणी बोरिवली पोलिसांत गुन्हा दाखल करण्यात आला आहे. भाजपच्या नगरसेविकेच्याच कार्यालयात हा प्रकार घडल्याने एकच खळबळ उडाली आहे. मिळालेल्या माहितीनुसार, मुंबईतील बोरिवली परिसरातील एका भाजपच्या नगरसेविकेच्या कार्यालयात एका महिलेचा भाजप कार्यकर्त्याने विनयभंगकेल्याचा आरोप करण्यात आला आहे. इतकेच नाही तर तक्रार दाखल करुनही पोलिसांनी महिनाभर दखल घेतली नसल्याचाही आरोप करण्यात आला आहे.
दरम्यान, या घटनेमुळे सत्ताधारी आता भाजपवर तुटून पडले आहेत. कॉंग्रेस प्रवक्ते सचिन सावंत यांनी या मुद्द्यावरून भाजपवर टीका केली आहे.ते म्हणाले, भाजपा नगरसेविकेच्या कार्यालयात महिलेचा विनयभंग झाला व महिलेला न्याय मिळवून देण्याऐवजी तीचा आवाज दाबण्यासाठी तीला भाजपा नगरसेविकांनी मारहाण केली. हे भाजपाचे महिला विरोधी रुप आहे.
पुढे बोलताना ते म्हणाले, फडणवीस साहेब आणि चंद्रकांत दादांनी महिलेचा आवाज दाबला त्या भाजपा नेत्यांवर काय कारवाई करणार हे स्पष्ट करावे. संपूर्ण भाजपा अत्याचार झालेल्या महिलेच्या विरोधात उभी आहे. अत्याचार करणाऱ्या भाजपा कार्यकर्त्याला वाचवण्यासाठी प्रयत्न करत आहेत. जाहीर निषेध असं सावंत यांनी म्हटले आहे.
महत्त्वाच्या बातम्या
- ‘यापूर्वी तीन नगरसेवकांचा प्रभाग असताना राष्ट्रवादीला यश मिळाले होते,आताही पुणेकर राष्ट्रवादी काँग्रेसला साथ देतील’
- उद्धव ठाकरेंनी हिंदुत्वासाठी नाही तर पदासाठी तडजोड केली; नारायण राणेंची मुख्यमंत्र्यांवर टीका
- ओबीसी आरक्षण अध्यादेशावर राज्यपाल आज सही करतील अशी अपेक्षा-हसन मुश्रीफ
- ठरलं ! स्थानिक स्वराज्य संस्थांच्या निवडणुका कुठे बहुसदस्यीय तर कुठे एक सदस्यीय
- पुण्यात उभं राहणार साखर संग्रहालय; राज्य सरकारचा मंत्रिमंडळ बैठकीत निर्णय
