🕒 1 min read
औरंगाबाद: अल्पवयीन मुलीला फोनवर माझ्याशी बोल नाही, चॅटींग कर तसेच तुझे फोटो पाठव नाही तर अॅसिड फेकून तुझे तोंड जाळीन अशी धमकी देणार्या माथेफिरु रोमीयोला मुकुंदवाडी पोलिसांनी रविवारी (दि.७) रात्री बेड्या ठोकल्या. सचिन बाबासाहेब लिपणे (२० रा. प्रकाशनगर, मुकुंदवाडी) असे माथेफिरु रोमीयोचे नाव असून त्याला मंगळवारपर्यंत पोलीस कोठडीत ठेवण्याचे आदेश विशेष जिल्हा व सत्र न्यायाधीश ए.एस. खडसे यांनी सोमवारी दिले.
या प्रकरणात १७ वर्षीय पीडित मुलीच्या आईने फिर्याद दिली. त्यानूसार, २ मार्च रोजी दुपारी एक वाजेच्या सुमारास वाढदिवसाच्या दिवशी ओळखीचा मुलगा सचिन लिपाणे याने पीडितेसह तिच्या मैत्रणींना पाणीपुरी खाण्यासाठी नेले होता. त्यावेळी त्याने पीडितेसोबत फोटो काढले होते. ते फोटो व्हायरल करुन बदनामी करण्याची धमकी त्यांनी सदर पीडीतेला दिली.
तू माझ्याशी फोनवर बोल तसेच चॅटींग कर नाहीतर हे फोटो व्हायरल करेल अशी धमकी दिली. त्यामुळे पीडीतेला त्याचाशी बोलावे लागत होते. मात्र नंतर पीडितेने त्याच्याशी बोलणे बंद केले. त्यावेळी आरोपीने तिला तु माझ्याशी फोनवर बोलली नाही, चॅटींग केली नाही आणि फोटो पाठवले नाही तर अॅसिड फेकुन तुझे तोंड जाळून टाकीन अशी धमकी दिली.
या प्रकरणात मुकुंदवाडी पोलीस ठाण्यात गुन्हा दाखल करण्यात आला आहे. पोलिसांनी आरोपीला अटक करुन आज न्यायालयात हजर केले असता सहायक लोकाभियोक्ता राजू पहाडीया यांनी बाजू मांडली.
महत्त्वाच्या बातम्या
- ‘सिद्धार्थ’च्या प्राण्यांना मिळणार आता कुलरची हवा
- बाटला हाऊस एन्काऊन्टर : तब्बल १३ वर्षानंतर अखेर आरिज खान दोषी सिद्ध
- माझ्या वडिलांनी ऊस तोडला, मजुरांच्या व्यथा मी जाणतो-धनंजय मुंडे
- पंतप्रधान नरेंद्र मोदींनी केले ‘मैत्री सेतू’ पुलाचं उद्घाटन
- परभणीकरांना खुश खबर, नवीन आरोग्य संस्थांना मंजुरी : राजेश टोपे
बातम्यांसाठी YouTube चॅनेल Subscribe करा
Subscribe Now
