बीडमध्ये खळबळ! नवोदय विद्यालयातील २० जणांना कोरोना

🕒 1 min read

बीड : बीड जिल्ह्यात कोरोना रुग्णांची संख्या वाढतच आहे. याकरिता प्रशासनाने उपाययोजना सुरू केल्यात. मात्र, एक चिंता निर्माण करणारी गोष्ट समोर आली आहे. गेवराई तालुक्यातील गढी येथील जवाहर नवोदय विद्यालयातील शिक्षकांसह काही विद्यार्थी असे एकूण २० जणांना कोरोनाचा संसर्ग झाला आहे. विद्यालयातील एका सहशिक्षकाला कोरोना झाला होता. यानंतर शाळेतील सर्व विद्यार्थी आणि कर्मचाऱ्यांची अँटीजन टेस्ट करण्यात आली. त्यातून तब्बल १४ विद्यार्थी व काही शिक्षक कोरोनाबाधित झाल्याचे समोर आल्याची माहिती तहसीलदार सचिन खाडे यांनी दिली.

बीड जिल्ह्यात अनेक ठिकाणी आता कोरोनाचे हॉटस्पॉट होताना दिसत आहेत. राज्याच्या अनेक भागात निवासी शाळां आणि वस्तीगृहांमधून विद्यार्थ्यांना कोरोनाची लागण होत असल्याचे चित्र असतानाच आता गढी येथील नवोदय विद्यालयात देखील कोरोनाचा शिरकाव झाल्याचे समोर आले आहे. शुक्रवारी येथील विद्यार्थ्यांची अँटीजन तपासणी करण्यात आली, यात २० जण कोरोनाबाधित सापडल्याचे तहसीलदार सचिन खाडे यांनी सांगितले.

सदर विद्यालयाचा परिसर कंटेनमेंट झोन म्हणून जाहीर करण्यात आला आहे. नागरिकांनी कोरोना प्रतिबंधक नियमांचे पालन करावे, मास्कचा वापर करावा असे आवाहन तहसील प्रशासनाने केले आहे.

महत्त्वाच्या बातम्या

• ग्रामपंचायत सदस्यांचा सत्कार केल्याने महिलेचा विनयभंग
• अर्थसंकल्पासाठी स्वतंत्र सभा घेण्याच्या परंपरेला छेद
• लवकरच ग्रामीण भागातही सुसाट धावणार स्मार्ट सिटी बस
• सर्दी खोकल्याची औषधे विकू नका ; FDA च्या सूचना
• कोविड उपचार केंद्रात दाखल महिलांच्या विनयभंगाचे प्रकार निषेधार्ह – रामदास आठवले