मुंबई : इंग्लंडचा अनुभवी वेगवान गोलंदाज ओली रॉबिन्सनला कोरोनाची (Covid-19) लागण झाली आहे. रॉबिन्सन फिटनेसच्या समस्यांशी झुंजत होता. ऑस्ट्रेलिया आणि वेस्ट इंडिजविरुद्धच्या मालिकेदरम्यान त्याला पाठीत दुखापतीची समस्य निर्माण झाली होती. याच कारणामुळे त्याची न्यूझीलंडविरुद्धच्या कसोटी मालिकेसाठी संघात निवड झाली नाही.
कोरोना पॉझिटिव्ह आढळल्यानंतर त्याला आयसोलेशनमध्ये ठेवण्यात आले आहे. जेव्हा ते त्याचा क्वारंटाइन कालावधी पूर्ण करेल, तेव्हा त्याची चाचणी होईल. रॉबिन्सनला फिटनेसच्या समस्येमुळे न्यूझीलंडविरुद्धच्या पहिल्या दोन कसोटी सामन्यांसाठी इंग्लंड संघात स्थान देण्यात आले नव्हते.
A further setback for Ollie Robinson after a difficult start to the seasonhttps://t.co/zSiyX24g1X
— ESPNcricinfo (@ESPNcricinfo) May 30, 2022
गेल्या वर्षी न्यूझीलंडविरुद्ध पदार्पण करणाऱ्या रॉबिन्सनने इंग्लिश संघात आपले स्थान कायम राखले. या वर्षाच्या सुरुवातीला ऑस्ट्रेलियात खेळल्या गेलेल्या ऍशेस मालिकेत रॉबिन्सनने १२ विकेट्स घेतल्या होत्या, परंतु यादरम्यान त्याच्या फिटनेसच्या समस्या सतत समोर येत राहिल्या. वेस्ट इंडिज दौऱ्यासाठीही त्याची संघात निवड करण्यात आली होती, परंतु पाठीच्या समस्येमुळे तो सराव सामन्यादरम्यान बाहेर पडला आणि संपूर्ण मालिकेत तो एकही सामना खेळू शकला नाही.
त्यानंतर रॉबिन्सनने देशांतर्गत क्रिकेटमध्ये परतण्याचा प्रयत्न केला, परंतु त्याला दातांमध्य़े इन्फेक्शन झाले आणि मे महिन्याच्या सुरुवातीपर्यंत तो काऊंटी क्रिकेटमध्ये भाग घेऊ शकला नाही. काउंटी क्रिकेटमध्ये सामना खेळल्यानंतरच त्याला अन्नातून विषबाधा झाला आणि पुन्हा एकदा त्याला संघाबाहेर व्हावे लागले आणि आता त्याला कोरोनाची लागण झाली आहे.
महत्त्वाच्या बातम्या –
