मुंबई : इंग्लंड दौरा सुरू होण्यापूर्वीच (ENG vs IND) भारतीय संघाला मोठा धक्का बसला आहे. संघाचा आघाडीचा सलामीवीर केएल राहुल मांडीच्या दुखापतीमुळे संपूर्ण दौऱ्यातून बाहेर पडला आहे. बीसीसीआयने त्याला उपचारासाठी परदेशात पाठवण्याचा निर्णय घेतला आहे. समोर आलेल्या माहितीनुसार त्याला जर्मनीला पाठवण्यात येणार आहे. इंग्लंडमध्ये भारतीय संघ एक कसोटी आणि सहा मर्यादित षटकांचे सामने खेळणार आहे.
दक्षिण आफ्रिकेविरुद्ध टी-२० मालिका सुरू होण्याच्या एक दिवस आधी केएल राहुलला दुखापत झाली आणि तो मालिकेतून बाहेर पडला. तेव्हा त्याची दुखापत फारशी गंभीर नसून तो भारतीय संघासोबत इंग्लंड दौऱ्यावर जाईल अशी अपेक्षा होती, पण आता तो एकाही सामन्याचा भाग असणार नाही.
KL Rahul is set to miss the England tour, he will be traveling to Germany for the recovery process. (Source – Cricbuzz)
— Johns. (@CricCrazyJohns) June 16, 2022
क्रिकबझशी बोलताना बीसीसीआयचे सचिव जय शाह म्हणाले, ”बोर्ड राहुलच्या फिटनेसवर काम करत आहे. या महिन्याच्या अखेरीस राहुल पुन्हा जुलैच्या पहिल्या आठवड्यात उपचारासाठी जर्मनीला रवाना होईल.” इंग्लंड दौऱ्यासाठी केएल राहुलला उपकर्णधार बनवण्यात आले होते पण आता बीसीसीआय ही जबाबदारी दुसऱ्या कोणाकडे सोपवणार आहे.
१ ते ५ जुलै दरम्यान होणाऱ्या कसोटी सामन्यासाठी गुरुवारी सकाळी भारतीय संघ इंग्लंडला रवाना झाला आहे. त्याचे काही फोटो बीसीसीआयने आपल्या ट्विटर अकाऊंटवरही शेअर केले आहेत. विराट कोहली, मोहम्मद सिराज, जसप्रीत बुमराह आणि चेतेश्वर पुजारा यांच्यासह अनेक प्रमुख खेळाडू फोटोंमध्ये दिसत आहेत. भारतीय संघ २४ ते २७ जून दरम्यान लीसेस्टरशायर विरुद्ध एक सराव सामनाही खेळणार आहे.
महत्त्वाच्या बातम्या –
