Election Results | गुजरातमध्ये भाजपची विक्रमी बहुमताकडे वाटचाल, हिमाचलमध्ये काँग्रेस आघाडीवर

🕒 1 min read

Election Results | गुजरात आणि हिमाचल प्रदेश विधानसभा निवडणुकांसोबतच इतर राज्यांतील सहा विधानसभा आणि लोकसभेच्या एका जागेवरील पोटनिवडणुकीच्या निकालांची मतमोजणी सुरू आहे. गुजरात निवडणुकीच्या निकालात भाजपला बहुमत मिळाले आहे. हिमाचलमध्येही आधी भाजपला बहुमत मिळाले होते, पण नंतर काँग्रेसने भाजपला मागे पाडले आणि काँग्रेसने बहुमताचा आकडा पार केला. हिमाचल प्रदेशमध्ये सध्या भाजप आणि काँग्रेसमध्ये काटे की टक्कर पाहायला मिळत आहे.

सकाळी 11.00 वाजेपर्यंत गुजरातमध्ये भाजप 151, काँग्रेस 19 आणि आम आदमी पार्टी 8 जागांवर आघाडीवर आहे. हिमाचल प्रदेशमध्ये काँग्रेसने 36 जागांवर तर भाजपने 28 जागांवर आघाडी घेतली आहे.

गुजरातमध्ये 27 वर्षांपासून भाजपची सत्ता आहे. यावेळी भाजप विक्रमी विजयासह सरकार स्थापन करणार असल्याचे दिसत आहे. 2002 च्या निवडणुकीत भाजपने गुजरातमध्ये 127 जागा जिंकल्या होत्या. दरम्यान हा आकडा 150 च्या जवळ पोहोचला आहे. 2002 मध्ये नरेंद्र मोदींनी दुसऱ्यांदा गुजरातचे मुख्यमंत्री म्हणून शपथ घेतली होती.

2017 च्या निवडणुकीबद्दल बोलायचे झाले तर एकूण 182 जागांपैकी भाजपने 99 जागा जिंकल्या होत्या. काँग्रेसला 77 जागा मिळाल्या होत्या. गुजरातमध्ये आतापर्यंत भाजपने 2002 मध्ये सर्वाधिक 127 जागा जिंकल्या होत्या. आता भाजप 150 पेक्षा जास्त जागा जिंकू शकतो असा दावा केला जात आहे.

महत्वाच्या बातम्या : 

• Health Tips | सकाळी रिकाम्या पोटी पिस्ता खाल्याने मिळतील ‘हे’ आरोग्यदायी फायदे
• KGF | KGF मध्ये महत्त्वाची भूमिका साकारणाऱ्या ‘या’ अभिनेत्याने घेतला अखेरचा श्वास
• Yo Yo Honey Singh | घटस्फोटानंतर हनी सिंग पडला पुन्हा प्रेमात, दिसला गर्लफ्रेंडसोबत फिरताना
• Immunity Booster | हिवाळ्यामध्ये रोगप्रतिकारशक्ती मजबूत ठेवायची असेल, तर आहारात करा ‘या’ गोष्टींचा समावेश
• Balasaheb Thorat | “…तेव्हा आपले मुख्यमंत्री गुवाहाटीला पर्यटन करत होते”; सीमावादावरून बाळासाहेब थोरात यांची सडकून टीका