मुंबई : राज्यात सत्ताबदल झाल्यानंतर एकनाथ शिंदे महाराष्ट्राचे नवे मुख्यमंत्री झाले. मात्र शिवसेना पक्षात मोठी फूट पडली. आता शिवसेनेचे २ गट पडले आहेत. जवळपास ४० आमदार, १२ खासदार आणि अनेक नगरसेवक, पदाधिकारी यांनी उद्धव ठाकरेंना जय महाराष्ट्र करत एकनाथ शिंदे यांना समर्थन दिले. मात्र दोन्ही गटातील वाद आता न्यायालयात सुरु आहेत. तसेच शिंदे मुख्यमंत्री झाल्यानंतर पहिल्यांदाच महाराष्ट्र दौऱ्यावर निघाले आहेत.
याआधी शिवसेनेचे दादा भुसे आणि सुहास कांदे हे निष्ठावंत शिवसैनिक शिंदे गटात सामील झाल्यानंतर नाशिकमध्ये शिवसेना दुबळी झाल्याचे चित्र आहे. ही उणीव भरून काढण्यासाठी शिवसेना खासदार संजय राऊत त्यानंतर युवा सेना प्रमुख आदित्य ठाकरे यांनी दौरा केला. आदित्य ठाकरे यांनी तर तिन्ही बंडखोरांवर चांगलीच आगपाखड केली. त्यामुळे दादा भुसे आणि सुहास कांदे यांना बळ देण्यासाठी मुख्यमंत्री एकनाथ शिंदे थेट मालेगावात येणार आहेत. दरम्यान या ठिकाणी विविध कार्यक्रमाचे भूमिपूजन, उदघाटन आणि विशेष जाहीर सभेचे आयोजन करण्यात आलं आहे.
मुख्यमंत्री आज सायंकाळी 4 वाजता मुंबई येथील शासकीय निवासस्थानाहून नाशिक मार्गे मालेगावकडे रवाना होणार आहेत. त्यानंतर रात्री 10 वाजेपर्यंत मुख्यमंत्र्यांचं मालेगाव शासकीय विश्रामगृहावर आगमन होईल. रात्री येथेच त्यांच्या मुक्काम असेल. 30 जुलै रोजी सकाळी 10 वाजेपासून मुख्यमंत्री एकनाथ शिंदे अतिवृष्टीग्रस्त भागाचा दौरा करण्यास सुरुवात करतील. शिंदे सरकार स्थापन झाल्यानंतर मुख्यमंत्री एकनाथ शिंदे प्रथमच 30 जुलै आणि 31 जुलै रोजी मालेगाव तसेच संभाजीनगरचा दौरा करणार आहेत.
महत्वाच्या बातम्या :
- Ajit Pawar | चहावाला पंतप्रधान, रिक्षावाला मुख्यमंत्री तर टोपलीवालीचा मुलगा… – अजित पवार
- Vidhya chavan | भाजपच्या तब्बल ११६ खासदारांविरोधात गुन्हे दाखल; विद्या चव्हाण यांची धक्कादायक माहिती
- Prakash Ambedkar | “ओबीसींना फसवण्याचं राजकारण अजूनही सुरूच” ; प्रकाश आंबेडकर आक्रमक!
- Nilesh Rane | “उद्धव ठाकरेंना लॉलीपॉप चिन्ह द्या, धनुष्यबाण शोभणारं नाही”; निलेश राणेंची खोचक टीका
- Jayant Patil | “दिल्ली वाऱ्या व अंतर्गत मतभेदातून जर्जर…” ; OBC आरक्षणावरुन जयंत पाटलांचे शिंदे सरकारवर टीकास्त्र
बातम्यांसाठी YouTube चॅनेल Subscribe करा
Subscribe Now
