‘द काश्मीर फाइल्स’ चित्रपटाच्या चित्रीकरणादरम्यान मिथुन चक्रवर्ती अचानक सेटवरच कोसळले

🕒 1 min read

मुंबई : बॉलीवूड ज्येष्ठ अभिनेते मिथुन चक्रवर्ती (मिथुन दादा ) यांच्या ‘द काश्मीर फाईल्स’ या चित्रपटाचे चित्रीकरण सुरु आहे. या शूटिंग दरम्यान मिथुन दादा यांची तब्येत अचानक खालावली. मसूरीमध्ये आऊटडोअर शूटिंग सुरू असताना ते सेटवरच कोसळले. त्यामुळे दिग्दर्शक विवेक अग्निहोत्रीनी शूटिंग थांबवण्याचा निर्णय घेतला आहे. या चित्रपटामध्ये मिथुन दादा मुख्य भूमिकेत दिसणार आहेत.

फूड पॉयझनिंगमुळे त्यांची तब्येत खालावली असल्याची माहिती मिळत आहे. शनिवारी ही सगळी घटना घडली. निर्माते आणि सेटवरील सर्वांचा वेळ आणि पैसा वाया जाऊ नये म्हणून मिथुन चक्रवर्ती आजारी असतानाही शूटिंग पुन्हा सुरु करण्याचं म्हणत होते. पण दिग्दर्शकांनी त्यांना आराम करण्याची विनंती केली. दिग्दर्शक विवेक अग्निहोत्री यांनी स्वत: माहिती याबद्दल माहिती दिली.

‘द काश्मीर फाइल्स’ या चित्रपटामध्ये मिथून चक्रवर्तींसोबतच अनुपम खेर, पुनित इस्सार यांच्याही प्रमुख भूमिका असणार आहेत. किसान आंदोलनादरम्यान वादग्रस्त वक्तव्य केल्यामुळे युवराज सिंगचे वडील योगराज सिंग यांना या चित्रपटातून काढून टाकण्यात आलं आहे. हा चित्रपट काश्मिरी पंडितांवर आधारित आहे. हा चित्रपट पुढील वर्षी येण्याची शक्यता आहे.

महत्वाच्या बातम्या 

• नेपाळमध्ये राजकीय भूकंप! राष्ट्रपतींनी संसद केली बरखास्त
• भारतात मुस्लिमांचा अल्पसंख्यांक दर्जा संपुष्टात यावा- साक्षी महाराज
• पंतप्रधान मोदींच्या ‘मन की बात’च्या वेळी थाळीनाद करा, शेतकऱ्यांचे आवाहन
• दुखापतग्रस्थ मोहम्मद शमीच्या जागी लागणार ‘या’ युवा खेळाडूची वर्णी
• भाजपने प.बंगालमध्ये दोन अंकी जागा जिंकल्या तर मी ट्विटर वापरणं सोडून देईन : प्रशांत किशोर