बेशिस्त वागतो म्हणून खडसावल्यामुळे विद्यार्थाचा शिक्षकांवर कोयत्याने हल्ला 

पोलिसांनी दिलेल्या माहितीनुसार, सुनील भोर हा महाविद्यालयात बेशिस्तपणे वागायचा. डोक्यावरचे केस वाढवल्यामुळे दोन्ही शिक्षकांनी काही दिवसांपूर्वी त्याला समज दिली होती. यावेळी त्यांनी भर वर्गात सुनीलची खरडपट्टी काढली होती. याचाच राग सुनीलच्या मनात होता. आज सकाळी प्रार्थना झाल्यानंतर सर्व विद्यार्थी आपापल्या वर्गात परतत होते. त्यावेळी सुनीलने त्याच्याजवळील ऊस तोडण्याच्या कोयत्याने दर्शन चौधरी आणि धनंजय अबनावे यांच्यावर वार केले.  शिlक्षकांना वाघोली येथेल खाजगी रुग्णालयात दाखल करण्यात आले आहे. शिक्षकांवर केलेल्या हल्ल्यानंतर विद्यार्थी फरार असून लोणीकंद पोलिस पुढील तपास करत आहेत.