दुश्मन न करे दोस्त ने वो काम किया है! जुन्यावादातून मित्राने केली मित्राची हत्या 

नांदेड : जुन्या वादाच्या कारणावरून मित्रानेच मित्राचा गळा आवळून खून केल्याची घटना असर्जन येथे रात्री घडली. या घटनेतील दोन आरोपींना पोलिसांनी आज सकाळी ताब्यात घेतले असून या प्रकरणी नांदेड ग्रामीण पोलिसांनी खूनाचा गुन्हा दाखल केला आहे. अवघ्या काही तासातच पोलिसांनी दोन आरोपींना ताब्यात घेतले.

विष्णुपूरी येथील काळेश्वर मार्गालगतचा रहिवाशी असलेला हरमितसिंग रेखासिंग पुजारी (२०) याच्यासोबत काही दिवसापुर्वी वाद झाला होता. याच वादाच्या कारणावरून ९ मे रोजी रात्री असर्जन शिवारातील एम.पी. थियटर्सच्या कंपाऊंडमध्ये आकाश वसंतराव जाधव, कृष्णा पांडू आगलावे व इतर दोन अल्पवयीन मुलांनी दोरीने गळा आवळून त्याचा खून केला. हि घटना रात्री ८.३० ते २ वाजेच्या सुमारास घडली.

घटनेची माहिती मिळाल्यानंतर पोलिस अधिक्षक प्रमोदकुमार शेवाळे, ग्रामीणचे पो. नि. अशोक घोरबांड, स्थागुशाचे पो. नि. द्वारकादास चिखलीकर आणि त्यांच्या पथकाने घटनास्थळी भेट दिली. यामध्ये काही तासातच दोन आरोपींना आज सकाळी ताब्यात घेतले असून इतर दोघांचा शोध सुरू आहे. या प्रकरणी रेखासिंग पुजारी यांनी दिलेल्या फिर्यादीवरून नांदेड ग्रामीण पोलिसांनी चौघांविरुध्द खूनाचा गुन्हा दाखल केला असून या प्रकरणाचा पुढील तपास सपोनि विश्वजित कासले हे करीत आहेत.

महत्त्वाच्या बातम्या

• घाटीत कोरोनाग्रस्त बालकांना खेळण्यासाठी खोली मात्र, पालकांनो ही वेळच यायला नको!
• …तर ही वेळच आली नसती, विदेशातून मिळणाऱ्या मदतीवर राहुल यांची टीका
• आता एकाच अर्जाद्वारे मिळणार शेतकऱ्यांना अनेक योजनांचा लाभ
• मायदेशी परतल्यानंतर बोल्टची भावुक पोस्ट, भारतात पुन्हा परतण्याची केली इच्छा व्यक्त
• नुसत्या जाहिरातीच्या माध्यमातून कोरोना संपणार नाही, नवाब मलिकांचा हल्लाबोल