औरंगाबाद : मागील एक महिन्यापासून जिल्ह्यातील कोरोना रुग्णांची संख्या झपाट्याने वाढत आहे. या अनुषंगाने जिल्हाधिकारी सुनील चव्हाण यांनी जिल्ह्यात अंशतः लॉकडाऊन जाहीर करत स्वतः रस्त्यावर उतरून कारवाई करण्यास सुरुवात केली आहे. याच पार्श्वभूमीवर विभागीय आयुक्त देखील अॅक्शन मोड मध्ये आल्याचे पाहायला मिळाले.
रविवारी (१४) विभागीय आयुक्त सुनील केंद्रेकर यांनी जिल्हाधिकारी कार्यालयात आढावा बैठक घेतली. या वेळी जिल्ह्यातील सर्व महत्त्वाच्या दवाखान्यातील प्रमुखांची देखील या बैठकीसाठी उपस्थिती होती. आयुक्त केंद्रेकर यांनी कोरोना परिस्थितीचा आणि उपलब्ध सुविधांचा आढावा घेतला. तसेच काही सूचनाही दिल्या आहेत.
या बैठकीमध्ये शहरातील एमजीएम, हेगडेवार, कमलनयन बजाज, सिग्मा आदी रुग्णालयांना उपलब्ध असलेल्या बेड संख्येपेक्षा दीडपटीने वाढवण्याच्या सूचना देण्यात आल्या आहेत. तसेच ऑक्सिजन बेड देखील वाढवण्याचे आदेश विभागीय आयुक्तांनी रुग्णालयांना दिले आहेत. येणाऱ्या काळात कोरोना रुग्णांची संख्या वाढली तरी त्यासाठी प्रशासनाकडे पुरेशा सुविधा उपलब्ध असाव्यात अशा सूचना देखील आयुक्तांनी केल्या आहेत.
महत्त्वाच्या बातम्या
- करीना कपूर नंतर आलिया भट्टही दिसणार सितेच्या भूमिकेत
- ‘अंबानींसारख्या अतिसुरक्षित व्यक्तीवर हल्ला करण्याचा कट म्हणजे हास्यास्पद प्रकार’
- पृथ्वी शॉने उत्तम कामगिरीमागचे सांगितले रहस्य म्हणाला, मास्टर ब्लास्टरनं…
- ‘पुन्हा सत्तेवर येण्याची भाषा म्हणजे पुन्हा पहाटे किंवा मध्यरात्रीच्या शपथविधीची तयारी’
- मी कोणत्याही क्रमांकावर खेळण्यासाठी सज्ज ; ‘हा’ फलंदाज इंग्लंडला पराभूत करण्यासाठी उत्सुक
