खामगाव : महसूल उपविभागातील प्रशासकीय अनागोंदी टाळण्यासाठी व कोरोना संसर्गजन्य परिस्थितीवर नियंत्रण मिळविण्यासाठी रिक्त असलेले उपविभागीय अधिकारी पद तातडीने भरण्यात यावे अशी मागणी महाराष्ट्र प्रदेश काँग्रेस कमेटीचे अमरावती विभागीय समन्वयक धनंजय देशमुख यांनी महसूलमंत्री बाळासाहेब थोरात व बुलडाणा जिल्हा संपर्कमंत्री यशोमती ठाकूर यांच्याकडे केली आहे.
यासंदर्भात त्यांनी दिलेल्या पत्रामध्ये नमूद आहे की, खामगाव येथील उपविभागीय महसूल अधिकारी यांची शासनाचे वतीने इतरत्र बदली करण्यात आली आहे. त्यामुळे गेले अंदाजे तीन ते चार आठवड्यांपासून येथील पद रिक्त आहे.
या कारणास्तव प्रशासकीय व्यवस्थापन ढेपाळले आहे. तसेच कोरोना संसर्गात मोठय़ाप्रमाणावर वाढ झाली असून, रुग्णसंख्या झपाट्याने वाढत आहे. या कारणामुळे खामगाव परिसरात प्रशासकीय स्तरावर योग्य निर्णय घेण्यासाठी सक्षम उपविभागीय अधिकारी नियुक्त करणे अत्यंत गरजेचे आहे. या यासंदर्भात अत्यंत गांभियार्ने दखल घेऊन उपविभागीय अधिकारी पद तातडीने भरावे, अशी मागणीही धनंजय देशमुख यांनी केली आहे.
महत्वाच्या बातम्या :-
- मोदींनी भेट नाकारल्याचा उल्लेख म्हणजे केवळ राजकारण: खा. संभाजीराजे
- दीपिकाची ५ तासांपासून चौकशी सुरूच, तर धर्मा प्रोडक्शनच्या क्षितिज प्रसादला अटक
- मराठा समाजाच्या हितासाठी सर्वांना एकत्र यावेच लागेल – शिवेंद्रसिंहराजे भोसले
- नाशिक मध्ये मराठा समाजाची राज्यस्तरीय बैठक
- कर्जतच्या उपकारागृहातील एकाचवेळी २७ कैद्यांना कोरोनाची लागण
