दिल्ली : देशाची राजधानी दिल्लीत कोरोनाचा संसर्गाचा प्रकोप सुरूच आहे. मागील चोवीस तासात या शहरात तब्बल ८ हजार ५९३ नव्या रुग्णांची भर पडली आहे. याशिवाय चोवीस तासात ८५ रुग्णांचा मृत्यू झाला आहे. एका दिवसातील मृतांचाही हा सर्वाधिक आकडा आहे.
बरे झालेल्या रुग्णांपेक्षा नव्याने संक्रमीत होत असलेल्या रुग्णांची संख्या जास्त असून ७ हजार २६४ जणांना रुग्णालयातून सोडण्यात आले असल्याची माहिती दिल्ली सरकारच्या आरोग्य विभागाकडून देण्यात आली. चोवीस तासात ६४ हजार १२१ चाचण्या करण्यात आल्या असून १३.४० टक्के संक्रमीत सापडले आहेत. संक्रमितांची राष्ट्रीय सरासरी ४.२ टक्के इतकी आहे. या तुलनेत दिल्लीतील संक्रमितांचे प्रमाण तिप्पटीने जास्त आहे.
दिल्लीत आतापर्यंत कोरोना संसर्गातून ४ लाख ५९ हजार ९७५ लोक बरे झाले आहेत. याशिवाय ७ हजार २२८ लोकांचा मृत्यू झाला आहे. कोरोनाचा मृत्युदर घटून १.५७ टक्क्यांवर आला आहे. दिल्लीतील सक्रीय रुग्णांची संख्या ४२ हजार ६२९ इतकी आहे.
महत्वाच्या बातम्या
- ‘गेल्या वर्षीच्या ऑक्टोबरच्या तुलनेत जीएसटी परताव्यात झाली १० टक्क्यांची वाढ’ – अर्थमंत्री निर्मला सीतारामन
- शेतकऱ्यांची दिवाळी अंधारातच, भाजपा करणार चुन भाकर आंदोलन
- तैमूर लवकरच होणार मोठा भाऊ, सैफिनाच्या घरी येतोय छोटा पाहुणा!
- मल्टिप्लेक्स सिनेमा संदर्भातील अडीअडचणी सोडविण्याबाबत प्रयत्न करणार – जयंत पाटील
- ‘मी नाराज असल्याच्या चर्चा व्यर्थ, पण…’
