नवी दिल्ली : संपूर्ण देशभरात भाजपचा विजयरथ जोरात असताना दिल्ली महापालिकेच्या पोटनिवडणुकीत अरविंद केजरीवाल यांच्या आम आदमी पक्षाने भाजपचा सुपडासाफ केला आहे. गुजरात मध्ये महापालिका निवडणुकीत जोरदार एन्ट्री केल्यानंतर ‘आप’ने दिल्ली मध्ये देखील जोरदार प्रदर्शन केले आहे. दिल्लीतील पाच प्रभागांमध्ये पोटनिवडणूक होती त्यामध्ये चार जगावर आपने विजय मिळवला आहे, तर कॉंग्रेसला एका जागेवर विजय मिळवता आला आहे. मात्र भाजपला आपले खाते देखील खोलता आले नाही.
या निवडणुकीत रोहिणी-सी वार्डमधून आपचे उमेदवार रामचंद्र 2985 मतांनी जिंकले आहेत. तर शालीमार बागमध्ये आपच्या उमेदवार सुनीता मिश्रा 2706 मतांनी विजयी झाल्या आहेत. कल्याणपुरीमध्ये आपचे उमेदवार धीरेंद्र कुमार 7000 मतांनी जिंकले, त्यांनी भाजपच्या सियाराम यांना पाणी पाजले आहे. तर त्रिलोकपुरीमध्ये देखील आपने बाजी मारली. चौहान बांगर या सीटवर काँग्रेसचे माजी आमदार चौधरी मतीन अहमद यांचे पुत्र चौधरी जुबेर अहमद यांनी आपचे माजी आमदार हाजी इशराक यांना हरवलं आहे. हा मुस्लिम बहुल वॉर्ड असल्याने निकाल अपेक्षित होता.
या पोटनिवडणुकीमधून 2022 साली होणाऱ्या महानगरपालिका निवडणुकांची दिशा ठरवली जाईल तसंच जनतेचा कल कुणाकडे आहे हे देखील निकालातून स्पष्ट होत आहे. तिनही पक्ष्यांनी निवडणुकीनंतर जिंकण्याचा दावा केला होता पण त्यात आता आम आदमी पार्टीने बाजी मारली आहे.
महत्वाच्या बातम्या
- ६ मार्चला १०० दिवस पूर्ण करणाऱ्या शेतकरी आंदोलनावर बनणार चित्रपट
- दुचाकीचोर पोलीसांच्या जाळ्यात; तीन दुचाकी जप्त
- शेतकरी नुकसान भरपाई मुद्द्यावरुन भाजप आक्रमक, विधानभवनाच्या पायऱ्यांवर जोरदार आंदोलन
- क्यूआर कोड स्कॅन करताय? थांबा आधी हे वाचा
- संजय राठोडांचा राजीनामा राज्यपालांकडे न पाठवता मातोश्रीत फ्रेम करून ठेवला आहे का?
