🕒 1 min read
Deepali Sayyed | मुंबई : एकनाथ शिंदे यांच्या बंडानंतर राज्यामध्ये शिंदे-फडणवीस सरकार स्थापन झालं. या सगळ्यामुळे शिवसेना पक्ष संपूर्णपणे कोलमडून गेला. त्याचबरोबर उद्धव ठाकरे (Uddhav Thackeray) यांच्याकडे आता केवळ हातावर मोजता येतील इतकेच नेते राहिले आहेत. त्यामध्ये दिपाली सय्यद देखील ठाकरे गटात नाराज असल्याचं बोललं जात होतं. या चर्चांना पूर्णविराम देत दीपाली सय्यद (Deepali Sayyed) यांनी शिंदे गटात प्रवेश करणार असल्याचं स्पष्ट केलं आहे. हे सांगतानाच त्यांनी संजय राऊत (Sanjay Raut) यांच्यावर निशाणा साधला आहे.
त्या म्हणाल्या, “संजय राऊत हे पक्षफुटीसाठी जबाबदार आहेत. संजय राऊत यांना त्यांच्या पापाची शिक्षा झाली आहे. पक्ष तोंडाने कसा फोडला जातो, याचं उत्तम उदाहरण संजय राऊत आहेत.” संजय राऊत यांच्यामुळे शिवसेनेत दोन गट पडले असल्याचंही दीपाली सय्यद (Deepali Sayyed) यावेळी बोलताना म्हणाल्या.
तसेच, एकनाथ शिंदे (Eknath Shinde) यांनी आपल्याला शिवसेनेत आणलं होतं. त्यामुळे एकनाथ शिंदे यांच्याबरोबर उभे राहणं कर्तव्य आहे,” असे दीपाली सय्यद (Deepali Sayyed) यांनी स्पष्ट केलं. पुढे त्या म्हणाल्या, नीलम गोऱ्हे, सुषमा अंधारे हे चिल्लर आहेत. खोक्यामागील सूत्रधार रश्मी ठाकरे असल्याचा आरोप त्यांनी केला. मुंबई महानगरपालिकेमधून येणारे खोके वेळेवर मातोश्रीवर पोहचत नाहीत. याची खंत रश्मी वहिनींना जाणवत असल्याचे दीपाली सय्यद यांनी म्हटले.
दरम्यान, दीपाली सय्यद आज मुख्यमंत्री एकनाथ शिंदे यांच्या भेटीसाठी वर्षा बंगल्यावर पोहचल्या होत्या. त्यापूर्वी प्रसारमाध्यमांशी बोलताना दीपाली सय्यद यांनी आपण शिंदे गटात प्रवेश करणार असल्याचं जाहीर केलं. मुख्यमंत्री देतील ती जबाबदारी आपण स्वीकारणार, असेही सय्यद यांनी म्हटलं.
महत्वाच्या बातम्या :
- Sanjay Raut | मोठी बातमी! संजय राऊतांचा जामीन अर्ज अखेर मंजूर
- Deepali Sayyed | अखेर दिपाली सय्यद यांचा शिंदे गटात प्रवेश, म्हणाल्या…
- Chitra Wagh | “…त्यामुळे अजित पवार सुप्रिया सुळे शिवीगाळ प्रकरणावर बोलले नाहीत” ; चित्रा वाघ यांचा खुलासा
- Sunil Raut On Sanjay Raut : संजय राऊतांना जामीन मिळणार? सुनिल राऊत म्हणाले…
- Uddhav Thackeray । “हा तर दिल्लीनं राज्याच्या माथी मारलेला महादळभद्री…”, ठाकरे गटाचा शिंदे सरकारवर जोरदार हल्लाबोल
बातम्यांसाठी YouTube चॅनेल Subscribe करा
Subscribe Now
