Sanjay Raut | मुंबई : शिवसेना उद्धव बाळासाहेब ठाकरे गटाचे नेते, खासदार संजय राऊत (Sanjay Raut) यांच्या जामीन अर्जावर आज सुनावणी पार पडली. या सुनावणी दरम्यान संजय राऊतांचा जामीन अर्ज अखेर मंजूर झाला आहे. चालू घडामोडींच्या पार्श्वभूमीवर संजय राऊतांचा जामीन महत्वाचा मानला जात आहे. तसेच आता संजय राऊत राज्यातील घडामोडींवर काय प्रतिक्रिया देणार याकडे सर्वांच्या नजरा लागल्या आहेत.
संजय राऊतांना कथित पत्राचाळ घोटाळ्याप्रकरणी ईडीनं अटक केली होती. विशेष म्हणजे प्रविण राऊत (Pravin Raut) आणि संजय राऊत (Sanjay Raut) यांच्या जामीनावर एकाच दिवशी सुनावणी पार पडली. यावेळी राऊतांचा जामीन अर्ज मंजूर झाला आहे.
पत्राचाळ घोटाळ्या प्रकरणी शिवसेना प्रवक्ते आणि खासदार संजय राऊत यांना 31 जुलै रोजी रात्री उशिरा ईडीनं अटक केली होती. त्यानंतर राऊतांना प्रथम ईडी आणि त्यानंतर त्यांना न्यायालयीन कोठडी सुनावण्यात आली, तेव्हापासून राऊत आर्थर रोड कारागृहात आहेत. ईडीने संजय राऊत यांचा पत्राचाळ घोटाळ्याप्रकरणी संजय राऊत यांचा थेट हात असल्याचा आरोप केला. त्यांचे भाऊ प्रविण राऊत पत्राचाळ डेव्हलेपमेंट पाहत होते. त्यांना HDIL ग्रुपकडून 112 कोटी रुपये मिळाले. त्यातील 1 कोटी 6 लाख 44 हजार रुपये संजय राऊत यांच्या पत्नी वर्षा राऊत यांच्या खात्यात पाठवले गेले. अलिबाग येथे याच पैशातून जमीन खरेदी करण्यात आली होती. संजय राऊत हेच प्रविण राऊत यांना समोर करुन सर्व व्यवहार करत होते असं ईडीने म्हटलं आहे. या संदर्भात कोर्ट आज काय निर्णय देणार याकडे सर्वांच लक्ष होतं. अशातच संजय राऊतांना जामीन मिळाला आहे.
महत्वाच्या बातम्या :
- Deepali Sayyed | अखेर दिपाली सय्यद यांचा शिंदे गटात प्रवेश, म्हणाल्या…
- Chitra Wagh | “…त्यामुळे अजित पवार सुप्रिया सुळे शिवीगाळ प्रकरणावर बोलले नाहीत” ; चित्रा वाघ यांचा खुलासा
- Sunil Raut On Sanjay Raut : संजय राऊतांना जामीन मिळणार? सुनिल राऊत म्हणाले…
- Uddhav Thackeray । “हा तर दिल्लीनं राज्याच्या माथी मारलेला महादळभद्री…”, ठाकरे गटाचा शिंदे सरकारवर जोरदार हल्लाबोल
- Ajit Pawar | सुप्रिया सुळेंबद्दल सत्तारांचे अपशब्द! अजित पवार गप्प, राष्ट्रवादीत बंड होणार?
