बीड : मित्राच्या वाढदिवसाला डीजे (डॉल्बी) लावून मोठ्या आवाजात गाणे वाजवणे चांगलेच महागात पडले आहे. डीजेच्या तालावर नाचत असताना पोलिसांनी छापा मारला. मात्र पोलिसांना पाहून आरोपी पळून गेल्याचा प्रकार केज तालुक्यातील बोबडेवाडी येथे घडला. याप्रकरणी केज पोलिसात माजी सरपंचासह नऊ जणांविरुद्ध गुन्हा दाखल झाला आहे.
पोलिसांनी दिलेल्या माहितीनूसार, बोबडेवाडी येथे अमर बोबडे याच्या वाढदिवसानिमित्त २७ जून रोजी रात्री ७ वाजेच्या सुमारास गावातील जिल्हा परिषद शाळेसमोर एका टेम्पोत डीजे डॉल्बी सिस्टिम लावून मोठ्या आवाजात गाणे सुरू होते. यावेळी २० ते २५ जणांचा ग्रुप थिरकत होता. याची माहिती पोलिसांना मिळाली. त्यावरून पोलिसांच्या पथकाने रात्री आठच्या सुमारास अचानक छापा मारला.
या ठिकाणी टेम्पोमध्ये ( एमएच २३ – २४८७ ) डीजे वाजवून १० ते १५ मुले नाचत असल्याचे पोलिसांच्या निदर्शनास आले. पोलीस आल्याचे समजताच माजी सरपंच संतोष क्षीरसागर, अमर भारत बोबडे, निरंजन बोबडे, अक्षय अर्जुन कोठुळे, ओम बाबासाहेब करपे, ज्ञानेश्वर शिवाजी बोबडे, गणेश महादेव आदमाने, तेजेस जनार्दन बोबडे, अण्णा बोबडे ( सर्व रा. बोबडेवाडी ) हे पोलिसांना पाहून पळून गेले. यावेळी डीजे मालक महेश अनिलराव जाधव ( रा. प्रशांतनगर, केज) हा तिथेच उपस्थित होता. त्याच्यासह टेम्पो, डीजे सिस्टिम ताब्यात घेण्यात आला. तर एकूण ९ जणांवर गुन्हा दाखल करण्यात आला आहे.
महत्त्वाच्या बातम्या
- ‘मराठा आरक्षणाचा मुद्दा मीच लोकसभेत सर्वप्रथम मांडला’, भाजप खा.प्रीतम मुंडेंचा दावा
- खा.प्रीतम मुंडेंकडून नगर-बीड रेल्वे मार्ग कामाची पाहणी
- आ.धस यांच्या मोर्चाकडे भाजपचीच पाठ, ‘जेष्ठ’ नेत्यांच्या कानमंत्राने पदाधिकारी फिरकलेच नाहीत
- नांदेडमध्ये मानपान नाट्य; खा.चिखलीकर आणि आ.शिंदेंच्या कार्यकर्त्यांमध्ये राडा, पाहा व्हिडिओ
- ‘सत्तेसाठी भाजप नेत्यांची धडपड सुरू’, अशोक चव्हाणांची टीका
